Almatyda Qoǵamdyq densaýlyq saqtaý basqarmasyna qarasty medısınalyq uıymdarynyń 27 dárigeri qalalyq Joǵary medısınalyq koleji bazasynda ızraıldik tálimgerlerden bilim alyp, alǵashqy kómek nusqaýshylarynyń halyqaralyq sertıfıkattaryna ıe boldy.
Jedel medısınalyq járdem kelgenge deıin der kezinde kómek kórsetý daǵdylaryn úıretý keıingi dárigerlik kezeńniń tıimdiligin birneshe ese arttyryp, tótenshe jaǵdaıda zardap shekkenderdiń aman qalý múmkindigin arttyrady, dep habarlaıdy Almaty-akshamy.kz.
«Otandyq jáne shetel mamandarynyń málimetteri boıynsha, tótenshe jaǵdaı saldarynan zardap shekkenderdiń edáýir bóligi aýrýhanaǵa deıingi kezeńde ýaqtyly jáne tıimdi kómek kórsetilgen jaǵdaıda aman qalýy múmkin edi. Dúnıejúzilik densaýlyq saqtaý uıymynyń málimeti boıynsha, aýyr zaqymdanýdan bolatyn ólimniń 50%-y oqıǵa ornynda alǵashqy sekýnd pen mınýtta bolady, al 30%-y jaraqat alǵannan keıingi alǵashqy eki saǵatta jáne 20%-y jaraqat alǵannan keıingi 5 kún ishinde qaıtys bolýy múmkin», - deıdi Joǵary medısınalyq kolejdiń dırektory Lázzat Aqtaeva.
Mamannyń aıtýynsha, bul derekterden zardap shekkenderdiń kópshiligi aýrýhanaǵa deıingi kezeńde qaıtys bolatyny kórinedi. Zardap shekkenderdiń jartysy medısınalyq qyzmetkerdiń kelýinen buryn qaıtys bolady, bul jaraqat alǵannan keıingi alǵashqy mınýtta kómek kórsetýdiń mańyzdylyǵyn aıqyndaıdy.
Beıbit ýaqytta tabıǵı jáne tehnogendik sıpattaǵy tótenshe jaǵdaıdyń saldarynan zardap shekkenderge kómek kórsetýde eń mańyzdy oryn aýrýhanaǵa deıingi barabar sharalarǵa beriledi.
«Halyqaralyq úlgidegi alǵashqy medısınalyq kómek, BLS, PHTLS ádisteri boıynsha sertıfıkat ıesi atanǵan 27 nusqaýshy alǵan bilimin tájirıbede qoldaný men engizý maqsatynda Almaty qalasy Qoǵamdyq densaýlyq saqtaý basqarmasynyń medısınalyq uıymdaryna kaskadtyq ádispen keıingi oqytýdy júrgizedi. Medısına qyzmetkerlerin oqytqannan keıin tárbıeshiler, pedagogtar, polısıa qyzmetkerleri men órt sóndirýshiler arasynda oqytý josparlanǵan», - dep tolyqtyrdy spıker.
Oqytý baǵdarlamasynda adam ómirin saqtap qalý, tótenshe jaǵdaı kezindegi asqynýdyń aldyn alý, sondaı-aq shuǵyl jaǵdaıda zardap shekken adamnyń densaýlyǵy men ómirine tónetin qaýipti azaıtý úshin shuǵyl bazalyq is-sharalar keshenine basa nazar aýdaryldy.
Oqytýdy júrgizgen spıkerler: bas nusqaýshy, shuǵyl kómek kórsetý boıynsha oqytý baǵdarlamalarynyń jetekshisi – Vıktor Iaskıv, jaraqat jáne shuǵyl kómek kórsetý jónindegi aǵa nusqaýshy – Natalá Zlotnık, balalar shuǵyl medısınalyq kómek jónindegi aǵa nusqaýshy, reanımasıa bólimshesiniń reanımasıalyq is-sharalar jónindegi úılestirýshisi – Roman Drobıskı.
