Qarıalarǵa azyq-túlik qorjyny men estelik syılyqtar tabys etildi.
Búgin №16 qalalyq emhananyń bas dárigeri Ulyqbek Medeýbekov, sondaı-aq emhana qyzmetkerleri Uly Otan soǵysyndaǵy Jeńis kúnin merekeleý qarsańynda ardagerlerdiń úıine baryp konsýltasıa júrgizdi, dep habarlaıdy Almaty-akshamy.kz Almaty.tv silteme jasap.
İs-shara barysynda emhana basshysy ardagerlerdiń densaýlyq jaǵdaıyn surap, zor densaýlyq, uzaq ǵumyr tilep, olardyń óskeleń urpaqqa jarqyn úlgi ekenin aıtyp, azyq-túlik qorjyndary men estelik syılyqtar tabys etti.
Óz kezeginde emdelýshiler medısına qyzmetkerleriniń kóńil bólgeni, qamqorlyǵy úshin shyn júrekten rızashylyǵyn bildirdi. Mundaı jumys barlyq jerde júrgizilip jatyr.
Quramynda kardıolog, endokrınolog, hırýrg, oftalmolog, LOR dárigeri, mammolog jáne psıholog sıaqty jalpy tájirıbelik dárigerler men mamandandyrylǵan qyzmetkerler bar qalalyq emhanalardyń kópsalaly brıgadasy osy sanattaǵy ardagerlerge medısınalyq tekserý júrgizip jatyr.
Úı-úıdi aralaý negizinde medısınalyq tekserý jáne keńes berý, naýqastardy kásibı qural-jabdyq arqyly tolyq tekserý júrgiziledi. ÝZI, rentgen, kardıografıa jasalady, emdeýge qajetti barlyq dári-dármek beriledi, qan analızi alynady.
Aıta ketelik, Almaty qalasy ákimi Erbolat Dosaevtyń tapsyrmasy boıynsha ótken jyldan beri Uly Otan soǵysynyń ardagerlerine kelesi baǵyttar boıynsha tegin medısınalyq kómek kórsetilip keledi:
- jalpy tájirıbelik dárigerler men naqty mamandardyń keńeıtilgen tekserýi. Jalpy klınıkalyq tekserýler jınaǵy.
- kórsetkishterge sáıkes tekserý, sonyń ishinde EKG, ÝDZ, KT jáne MRT. Aýrýhanada qalpyna keltirý, sondaı-aq sanatorıalyq-kýrorttyq emdeý.
2023 jyldyń basynan beri 4 aı ishinde medısınalyq kómektiń kepildik berilgen kólemi men mindetti medısınalyq saqtandyrý aıasynda 3243 Uly Otan soǵysyna qatysýshy jáne olarǵa teńestirilgen tulǵa keńeıtilgen medısınalyq tekserýden ótti. Jyl sońyna deıin osy sanattaǵy almatylyqtardyń 100 paıyzy keńeıtilgen medısınalyq tekserýden ótedi.
Tasymaldaýǵa kelmeıtin naýqastardyń barlyǵyn aı saıyn ýchaskelik dárigerler ne medbıkeler tekseredi. Dárini úıge tegin jetkizý uıymdastyrylǵan. Jyl sońyna deıin tasymaldaýǵa jaramsyz 3900-den astam naýqas úı jaǵdaıynda tolyq medısınalyq tekserýden ótedi.