İs-shara general-maıor Rústem Qaıdarovty eske alýǵa arnalǵan.
Almatyda Jeńis kúnine sambo kúresinen jáne jaýyngerlik sambodan erler arasynda halyqaralyq sheberlik týrnıri bastaldy, dep habarlaıdy Almaty-akshamy.kz.
Saltanatty ashylý rásimi QR QM SSKA SK sport bazasynda ótti. Bul shara general-maıor Rústem Qaıdarovty eske alýǵa arnalǵan.
Týrnırge Ózbekstan, Tájikstan, Qyrǵyzstan, sondaı-aq Qazaqstannyń oblystarynan, elimizdiń quqyq qorǵaý organdarynan kelgen komandalar qatysýda.
«Týrnır sambonyń olımpıadalyq jáne jaýyngerlik túrleri boıynsha jeti salmaq dárejesi boıynsha ótedi. Bıylǵy jyly týrnır sheberlik týrnıri mártebesine ıe boldy, ıaǵnı jeńimpazdarǵa sport sheberi ataǵy beriledi. Sondaı-aq, jeke jáne komandalyq esepte olar «Dınamo» FSO Ortalyq keńesiniń kýboktarymen, medaldarymen, dıplomdarymen jáne baǵaly syılyqtarymen marapattalady», - deıdi uıymdastyrýshylar.
Týrnırdi QR İİM, «Generaldar keńesi» qoǵamdyq birlestigi jáne «Dınamo» dene shynyqtyrý-sport qoǵamynyń Ortalyq keńesi, sondaı-aq sambo jáne jaýyngerlik sambodan respýblıkalyq jáne Almaty qalalyq federasıasy uıymdastyrdy.
Fınaldyq jekpe-jek pen marapattaý rásimi 7 mamyrda ótedi.
