Bas prokýratýra oqıǵany óz baqylaýyna alǵanyn habarlady
Tashkenttegi balabaqsha Bas prokýratýranyń nazaryna ilikken. Meńgerýshiniń 15 jastaǵy uly 6 jastaǵy qyzdarǵa tıisip, sheshinýge májbúrlegeni belgili boldy, dep habarlaıdy dep habarlaıdy Almaty-akshamy.kz Azattyq Ruhy saıtyna silteme jasap.
Portal málimetinshe, joǵary synyp oqýshysy balabaqshaǵa kún saıyn kelip, daıyndyq tobyndaǵy balalarmen ońasha qalatyn bolǵan. Qorqytyp-úrkitip, tórt qyzdy sheshinýge májbúrlegen, bireýi sheteldiktiń qyzy bolǵan. Jasóspirim qyzdarǵa qolyn júgirtken, sodan keıin bireýi aıǵalap jibergende, ol qorqyp ketip qalady.
Balalar keshke barlyǵyn ata-anasyna aıtyp, olar quqyq qorǵaý organdaryna aryz jazyp, oqıǵany jýrnalıserge jetkizgen. Qyzdardyń ata-anasy balalar jatqan bólmede kamera ornatylmaǵanyn, tergeý kúni kireberistegi kamera kenet istemeı qalǵanyn aıtady.
Bas prokýratýra oqıǵany óz baqylaýyna alǵanyn habarlady. Derek boıynsha Qylmystyq kodekstiń 119-babyna sáıkes qylmystyq is qozǵalǵan.
Mektepke deıingi jáne mekteptegi bilim berý mınıstrligi №230 balabaqsha meńgerýshisi «qyzmetine jaýapsyz qarap, balalardyń ómirine qaýip tóndirgeni úshin» qyzmetinen bosatylǵanyn habarlady.