Almaty qalasynyń № 7 qalalyq klınıkalyq aýrýhanasynda gınekolog –dárigerleri áıelderge densaýlyǵyn qalpyna keltirip qana qoımaı, ózine degen senimdilikti arttyrýǵa kómektesetin hırýrgıalyq operasıa qynap plasıkasyn sátti jasap júr. Gınekologtar qynap plasıkasynyń fýnksıonaldyq jáne estetıkalyq gınekologıada jıi qoldanylýyna baılanysty ózektiligin atap ótedi.
№7 QKA-nyń gınekologıa bólimshesiniń meńgerýshisi Sáýlesh Muhtarqyzy Ospanǵalıevanyń aıtýynsha sońǵy kezde áıelder qaýymynyń arasynda bul operasıaǵa qyzyǵýshylyq arta túsedi: "Kórsetkishterge sáıkes, qynap plasıkasy- qynap qabyrǵalarynyń álsizdigi, jasqa ereksheligine baılanysty ózgeristerdiń bolýy, stress saldarynan neseptiń ustamaýy, keıbir týa bitken jaǵdaılar, qynaptyń aldyńǵy nemese artqy qabyrǵasynyń túsip ketýi jáne jynystyq ómir sapasyna qanaǵattanbaýshylyǵy, qynaptyń jyrtylýy men jaraqaty bar áıelderge jasalady".
2025 jyldyń basynan bastap № 7 qalalyq klınıkalyq aýrýhanada MÁMS aıasynda jáne aqyly negizde 25 qynap plasıkasy operasıasy jasaldy.
№7 QKA-nyń gınekologıa bólimshesine qynap qabyrǵalary túsken jáne ómir súrý sapasy tómendegen áıel portal arqyly josparly emdeýge jatqyzyldy.
Áıel but aralyǵynda bógde zattyń paıda bolýyna, túshkirgen jáne kúlgen kezde zárdiń ustamaýy, nájistiń tolyq shyqpaýyna shaǵymdandy. Pasıent bes balany tabıǵı jolmen bosanǵan, keıinnen sozylmaly ish qatýy paıda bolǵan, jynystyq ómiriniń qıyndaǵanyn jáne qanaǵattanbaıtynyn aıtty. Pasıent fızıkalyq yńǵaısyzdyqtarymen jáne múmkindikteri shekteýlimen sońǵy 6 jyl boıy ómir súrgen, ol óziniń áriptesteriniń oń pikirlerin estimeıinshe, jambas músheleriniń túsip ketýin qalpyna keltirý úshin operasıa jasaýdan uzaq ýaqyt boıy tartynǵan.
"Biz eleýli tyrtyqtyq ózgeristerdi, tik ishek pen qýyq sıaqty kórshiles múshelerdiń jaqyndyǵyn eskere otyryp, barlyq yqtımal táýekelderdi qarastyrdyq. Kezeń-kezeńmen aldyńǵy jáne artqy kolpotomıa, qýyqty transpozısıalaý, levatoroplastıka, sondaı-aq but aralyq plasıka jasadyq. Jaǵdaıdyń óte kúrdeliligine qaramastan bári sátti ótti", - dedi gınekolog –dáriger Dına Turlybaeva.
Dárigerler operasıany tehnıkalyq qıyndyqsyz, operasıa kezinde eń az qan ketýmen jasady. Pasıent 7 kún ótken soń qanaǵattanarlyq jaǵdaıda úıine shyǵaryldy.
"Qynap tinderiniń tonýsynyń, fýnksıalarynyń jáne formalarynyń tómendeýin eskere otyryp, qynap plasıkasyna degen qajettilik olardy qalpyna keltirýdiń mańyzdy sheshimine aınalýda. Bul rette biz bir músheniń qyzmetin qalpyna keltirýmen shektelmeı, sonymen qatar pasıentterdi estetıkaǵa, sımmetrıaǵa jáne psıhologıalyq ahýalynyń jaqsarýyna erekshe mán beremiz. Operasıadan keıin áıelder tek fızıkalyq jaǵdaıy jaqsarǵanyn ǵana emes, sonymen qatar ózine degen senimdiligi nyǵaıǵanyn aıtady. Qıyndyq pen alańdaýshylyq artta qalady, otbasyndaǵy qarym-qatynas jaqsarady", - dep atap ótti gınekolog-hırýrg Jibek Janalıeva.
Dáriger Jibek Janalıevanyń aıtýynsha, pasıentter hırýrgıalyq aralasýdan keıingi alǵashqy úsh aıdyń ishinde jynystyq ómir sapasynyń jaqsarǵany, jynystyq qatynas kezinde aýyrsyný jáne qolaısyzdyqtyń ketkeni, nesep shyǵarýdy baqylaýdyń qalpyna kelgeni, ózin-ózi baǵalaýdyń artqany týraly aıtqan. Kishi jambas aǵzalarynyń anatomıasy qalpyna kelgennen keıin, sozylmaly ınfeksıalyq aýrýlardyń qaýpi tómendeıdi.
Jaqynda aýrýhananyń saıtyna pasıentten alǵys hat kelip tústi:
"Maǵan tamasha dáriger Jibek Rysbekqyzy Janalıeva qynap plasıkasy operasıasyn jasady: keremet bilikti maman, pasıentterge qamqorlyǵy erekshe. Operasıadan keıin 2,5 aı ótti, ol áli jaǵdaıymdy surap habarlasady, qajetti keńester beredi, osy ýaqyt ishinde maǵan jaqyn adamyma aınaldy! Jalpy bólimsheniń jumysy joǵary deńgeıde uıymdastyrylǵan. Bólimsheniń barlyq qyzmetkerlerine Alǵysym sheksiz!" - dep jazdy ol.
№7 qalalyq klınıkalyq aýrýhana mamandarynyń kúsh-jigeri men kásibı biliktiliginiń arqasynda áıelder densaýlyǵyn qalpyna keltirý múmkindigine ıe bolyp, kúrdeli jeke problemasynyń sheshimin taýyp jatyr.