Aldaǵy jylytý maýsymyna daıyndyq aıasynda Almatyda ınjenerlik jelilerdi josparly túrde qaıta jańǵyrtý jumystary jalǵasyp keledi. Osyǵan baılanysty qalanyń eki aýdanynda birqatar kósheniń keı jerinde avtokólik qozǵalysy ýaqytsha shekteledi.
31 mamyrdan 20 shildege deıin Almaly aýdanynda Bógenbaı batyr kóshesiniń Brýno kóshesinen Anosov kóshesine deıingi bóliginde eki baǵytta da kólik qozǵalysy shekteledi.
31 mamyrdan 30 maýsymǵa deıin Túrksib aýdanynda Kotelnıkov kóshesiniń Seıfýllın dańǵylynan Aqan Seri kóshesine deıingi bóliginde de eki baǵytta kólik qozǵalysy ýaqytsha toqtatylady.
Bul kóshelerde joldyń astynan ótetin magıstraldyq qubyrlardy qaıta jańartý jumystarynyń qaýipsizdigin qamtamasyz etý maqsatynda ýaqytsha shekteýler engiziledi.
Atalǵan aýdandarda bıyl jalpy uzyndyǵy 3 shaqyrym bolatyn, 1983-1985 jyldary paıdalanýǵa berilgen jylý jelileri jańartylady. Bul 105 kópqabatty turǵyn úıdi, 5 jeke úıdi, 1 mektep pen 3 ózge de nysandy qys mezgilinde turaqty jylýmen qamtamasyz etýge múmkindik beredi.
Sonymen qatar, qaıta jańǵyrtý jumystary kezinde turǵyndarǵa ystyq sý úzdiksiz beriledi.
Jalpy, bıyl qala boıynsha 39 shaqyrym jylý jelisin qaıta jańartý josparlanǵan. Bul jelilerdiń tozý deńgeıin 54%-ǵa deıin tómendetýge múmkindik beredi.
Esterińizge sala keteıik, qozǵalysty shekteý týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq, 2GIS jáne Iandeks kartalar servısterinde jarıalanǵan.
Ýaqytsha qolaısyzdyqqa túsinistikpen qaraýdy suraımyz.