Almaty qalalyq №2 perınataldyq ortalyǵynda dárigerler salmaǵy bar bolǵany 742 gram bolyp dúnıege kelgen sábıdiń ómirin saqtap qaldy, dep habarlaıdy aqshamnews.kz
Bala 2025 jylǵy 30 tamyzda, júktiliktiń 26-aptasynda dúnıege kelgen.
Týǵannan keıin onyń jaǵdaıy asa aýyr boldy, sondyqtan dárigerler uzaq ári kúrdeli kútim úderisin bastady.
40 kún boıy sábı ókpeni jasandy jeldetý (ÓJJ) apparatynda boldy, keıin 24 kún nazaldy SIPAP-terapıada, sońǵy 10 kún ózdiginen dem alyp jatyr.
Qazir sábıge 74 kún boldy, ol qurylǵysyz ózdiginen tynystap jatyr.
Mundaı jaǵdaı búkil ujymnan — neonatologtardan, reanımatologtardan, medbıkeler men perınataldyq psıhologtardan joǵary kásibı daıyndyq pen shydamdylyqty talap etedi.
«Árbir gram salmaq, árbir tynys — dárigerlerdiń ortaq eńbegi men sábıdiń ómirge degen jigeriniń nátıjesi. Bul biz úshin jaı ǵana medısınalyq jumys emes, kún saıynǵy ómir úshin kúres», —
dedi Almaty qalalyq №2 perınataldyq ortalyǵy dırektorynyń neonataldyq qyzmet jónindegi orynbasary Aınurym Sarbas.
Sábıdiń anasy ulyn aman alyp qalǵan dárigerler men meıirbıkelerge alǵys bildirip, olardyń qoldaýy men qamqorlyǵy eń qıyn sátte úlken demeý bolǵanyn aıtty.
Búginde Almaty qalalyq №2 perınataldyq ortalyǵy shala týǵan balalardy kútip-baptaýdyń zamanaýı ádisterin belsendi engizip keledi.
Jyl basynan beri ortalyqta salmaǵy 1000 gramnan tómen 43 sábı ómirge qaıta oraldy.