Keıingi kezderi buryn sottylyǵy bar azamattar tegin, atyn jáne ákesiniń atyn ózgertýleri kóbeıip ketti.
Qazaqstan Respýblıkasynyń Zańdaryna sáıkes, árbir anyqtamalyq derekterdi ózgertken azamat Quqyqtyq statısıka jáne arnaıy esepke alý jónindegi komıtetiniń «Taldaý ortalyǵy» avtomattandyrylǵan aqparattyq júıesi arqyly tekserilip, buryn sottylyǵy bar azamattardyń jańa derekteri burynǵy derekterimen biriktiriletindigi túsindiriledi.
Jańa jáne burynǵy derekterdi biriktirý boıynsha aqparat tómendegideı baıandalady:
Qazaqstan Respýblıkasy Bas Prokýrorynyń 2018 jylǵy 27 aqpandaǵy №29 buıryǵymen bekitilgen, «Qylmystyq quqyq buzýshylyqtar jasaǵan, qylmystyq jaýaptylyqqa tartylǵan jáne tartylatyn adamdardy arnaıy esepke alýdy jáne ustap alynǵan, kúzetpen ustalatyn jáne sottalǵan adamdardy daktıloskopıalyq esepke alýdy júrgizý, paıdalaný jáne saqtaý qaǵıdalarynyń» 63-tarmaǵyna sáıkes, adamdar anyqtamalyq derekterin ózgertken kezde ishki ister organdarynyń kóshi-qon qyzmeti bólimsheleri ár aıdyń 15 jáne 30 kúnderine qaraı, Komıtettiń aýmaqtyq organdaryna osy Qaǵıdalardyń 14-qosymshasyna sáıkes nysan boıynsha «Anyqtamalyq derekteriniń (tegin, atyn, ákesiniń atyn (ol bolǵan kezde), ultyn, jynysyn, týǵan kúnin men jerin) aýysý sebebimen jeke basty kýálandyratyn qujattardy almastyrý máselesi boıynsha ishki ister organdaryna júgingen azamattar týraly málimetterdi» usynady.
Komıtettiń aýmaqtyq organynyń qyzmetkerleri buryn qylmystyq jaýapkershilikke tartylǵan nemese tartylatyn tulǵalardyń jeke derekterindegi ózgerister týraly aqparatty anyqtaý/túsindirý kezinde olardy TO AAJ-da tekseredi.
Eger TO AAJ-da buryn qylmystyq jaýapkershilikke tartylǵan nemese tartylatyn tulǵanyń jańa jáne burynǵy jeke derekteri bar alfavıttik tirkeý kartalary bolsa, Komıtettiń aýmaqtyq organy aqparatty alfavıttik tirkeý kartasynyń rekvızıtteri «basqa jeke derekteri bar» arqyly biriktiredi.
Buryn qylmystyq jaýapkershilikke tartylǵan nemese qylmystyq jaýapkershilikke tartylatyn tulǵanyń jańa jeke derekteri bar TO AAJ -da alfavıttik tirkeý kartalary bolmaǵan jaǵdaıda, Komıtettiń TO AAJ -daǵy aýmaqtyq organy «fýnksıonaldyq» arqyly aqparatty engizedi, «OnLine GBD FL» arqyly tekserý jáne JSN toltyrý arqyly «bastapqy engizý» bóliminde basqa jeke derekterdi qosady.