Kezdesýde jasóspirimderge kóshede, úıde, jolda qaýipsiz júrý erejeleri túsindirildi
Almatynyń ıývenaldy polısıasy qalalyq prokýratýramen jáne Qoǵamdyq densaýlyq saqtaý basqarmasynyń ókilderimen birlesip, №95 orta mektep oqýshylarymen kezdesý ótkizdi, dep habarlaıdy Almaty-akshamy.kz.
– Kún tártibinde kámeletke tolmaǵandar arasyndaǵy quqyq buzýshylyqtyń, qylmystyń aldyn alý jáne jolyn kesý máseleleri qaraldy. Bul – eń aldymen, tereń oılastyrylǵan jáne ózara baılanysty is-sharalardy júzege asyrý, memlekettik jáne qoǵamdyq sharalardyń ózara árekettesý, mańyzdy kómekshi ról atqaratyn jasóspirimdermen tárbıelik jáne mádenı jumys, – dedi Almaty qalasy PD JPQB ıývenaldy polısıa bóliminiń bastyǵy Janna Shonjanova.
Kezdesýde jasóspirimderge kóshede, úıde, jolda qaýipsiz júrý erejeleri túsindirildi. Áleýmettik jelilerde, ásirese beıtanys adamdarmen qarym-qatynas jasaý erejeleri aıtyldy. Polıseılerdiń pikirinshe, quqyq buzýshylyqtardyń sanyn azaıtý, sondaı-aq, qylmys jasaýdyń sebepteri men jaǵdaılaryn joıý barlyq múddeli memlekettik organdar men qoǵamnyń birlesken kúshimen ǵana sheshiledi.