10-13 shildede Qazaqstan Respýblıkasynyń Indýstrıa jáne ınfraqurylymdyq damý mınıstri M.Qarabaev bastaǵan qazaqstandyq bıznes delegasıasy Ekaterınbýrgte (Reseı) ótken «Turaqty óndiris. Jańarý strategıasy» «Innoprom – 2023» ónerkásiptik kórmesiniń negizgi strategıalyq sesıasyna qatysty, dep habarlaıdy Almaty-akshamy.kz.
Bıylǵy jyly eń iri halyqaralyq kórmege 35 memleket qatysty. Sharanyń seriktes eli Belarýs Respýblıkasy boldy. Dástúrli halyqaralyq ónerkásip kórmesiniń aıasynda «Reseı – Qazaqstan ónerkásip kooperasıasy» taqyrybyna arnalǵan paneldi sesıasynda sóz alǵan Qazaqstan Respýblıkasy Syrtqy ister mınıstrliginiń basshysy ónerkásiptik áriptestikti damytýdyń tıimdi alańyna aınalǵan Innoprom kórmesiniń mańyzdylyǵyn atap ótti.
«Reseı – Qazaqstan» birlesken jobalaryn júzege asyrýǵa baǵyttalǵan seriktestikti keńeıtý aıasynda Almatynyń «Almaty Bıznes Damý Kompanıasy» kásipkerlikti damytý kompanıasynyń basshylyǵy 30-dan astam reseılik kompanıalarmen kelissózder júrgizip, óndiristik kooperasıa qurý máselelerin talqylady. «Alataý» ATP arnaıy ekonomıkalyq aımaǵy men Almaty qalasynyń ındýstrıaldy aımaǵynyń aýmaǵynda jańa óndiris oryndaryn negizge ala otyryp, óndiristik kooperasıany qurý máseleleri kóterildi. Qazaqstan Orta Ýral úshin mańyzdy syrtqy saýda seriktesteriniń biri bolyp tabylady, taýar aınalymy boıynsha respýblıkamyz Qytaıdan keıin ekinshi orynda tur. Ýral ólkesindegi INNOPROM-ǵa qatysý taraptar arasyndaǵy yntymaqtastyq pen iskerlik baılanysty yntalandyrady jáne nyǵaıta túsedi.
Kórme ótken jyldar ishinde myńdaǵan qazaqstandyq jáne reseılik taýar óndirýshiler ekijaqty baılanys ornatyp, ónerkásip salasynda jańa jobalardy júzege asyrdy.
Halyqaralyq ónerkásip kórmesi birlesken jobalardy júzege asyrýǵa, áriptestik baılanystardy keńeıtýge, ónerkásipti damytýdyń ózekti baǵyttaryn ashýǵa, sondaı-aq burynnan bar iskerlik baılanystardy nyǵaıtýǵa jáne damytýǵa baǵyttalǵan aımaqtaǵy komersıalyq jáne ónerkásiptik yntymaqtastyqtyń negizgi oqıǵasy bolyp tabylady.