19 shildege deıin bilim grantyn taǵaıyndaý konkýrsyna 83 myń ótinish kelip tústi.
Talapkerlerdiń basym bóligi qujatyn úsh respýblıkalyq mańyzy bar qalanyń joǵary oqý oryndaryna tapsyryp jatyr: Almaty (34 myń), Astana (16 myń) jáne Shymkent (5 myń), dep habarlaıdy Almaty-akshamy.kz QazAqparatqa silteme jasap.
Talapkerlerdiń tańdaýy ishinde eń suranysqa ıe baǵyttar qatarynda «Pedagogıkalyq ǵylymdar» (22 myń), «Injenerlik, óńdeý jáne qurylys salalary» (16 myń) jáne «Aqparattyq-kommýnıkasıalyq tehnologıalar» (11 myń) qalyp otyr. Bilim berý baǵdarlamalarynyń tobyna keletin bolsaq, eń kóp ótinish «Aqparattyq tehnologıalar» - 9 myń.
Ary qaraı «Dene shynyqtyrý muǵalimderin daıarlaý» - 5 myń ótinish kelip túsken. Úshinshi orynda «Medısına», ony 4 myń talapker tańdaǵan. Esterińizge sala ketsek, 20 shilde - grant konkýrsyna ótinish qabyldaýdyń sońǵy kúni. Qujattardy qabyldaý eGov arqyly onlaın formatta nemese joo-lardyń qabyldaý komısıalary arqyly oflaın formatta júzege asady. Sondaı-aq, JOO-da vırtýaldy qabyldaý komısıasy jumys isteıdi. Qujattardy kez kelgen joo (ornalasqan jeri boıynsha) arqyly tapsyrýǵa bolady.