Almatyda «QAMQOR CHARITY» QQ eriktileri mereke qarsańynda «Altyn júrek» qarttar úıine arnaıy baryp, qarıalarǵa merekelik kóńil-kúı syılady, dep habarlaıdy almaty-akshamy.kz.
İs-shara qarttardy jańa jyl merekesimen quttyqtap, qyzyqty ýaqyt ótkizip, qarıalardyń kóńilderine qýanysh syılaý maqsatynda uıymdastyryldy.
- «Qarty bar úıdiń – qazynasy bar» dep qazaq halqy qarıalardy erekshe qurmettep syılaǵan. Jańa jyl merekesi qarsańynda jalǵyz basty zeınetkerlerdiń kóńil kúılerin kóterip, qýanysh syılaǵymyz keldi. Osyndaı sharalardy biz jyl saıyn dástúrli túrde ótkizip turamyz. Mereke qarsańynda biz ata-ájelerimizge, balalar úıiniń tárbıelenýshilerine jáne erekshe muqtaj jandarǵa únemi kóńil bólýge tyrysamyz, dedi sózinde Almaty qalasy volonterler front-ofısynyń jetekshisi Baǵdat Anarbaeva.
İs-sharada volonterler konserttik baǵdarlamadan bólek, qarttarymyzǵa syılyqtar tabystap, merekelik dastarhan jaıyp, jyly lebizderi men tilekterin arnady. Qarıalarymyz qýanyshyn jasyra almaı, volonterlerge alǵystaryn bildirip jatty.
