Almatyda myńnan astam jol jumysshysy men 425 tehnıka qar tazalaýǵa jumyldyryldy
«Qazgıdromet» RMK derekteri boıynsha, 16 qańtar kúni saǵat 22:30-dan 17 qańtar kúni tańǵy saǵat 08:30-ǵa deıin Almaty qalasynda 19 sm qar jaýdy. Qar tazalaý jumystary táýlik boıy júrgiziledi, dep habarlaıdy almaty-akshamy.kz Komýnaldyq ınfraqurylymdy damytý basqarmasyna silteme jasap.
Túnde 421 birlik arnaıy tehnıka jumys istedi, tańerteń 425 birlik arnaıy tehnıka jumyldyryldy, onyń ishinde 146 qum taratqysh jáne 1143 jol jumysshysy. Saǵat túngi 02:30-dan bastap jol polısıasynyń patrúldik mashınalarynyń erip júrýimen 13 kolonna qar kúreýmen aınalysty.
Tańǵy saǵat 05.00-den bastap 168 birlik shaǵyn kólemdi jınaý tehnıkasynyń kúshimen trotýarlar qardan tazartylýda, bul jumys qazirgi ýaqytqa deıin jalǵasýda. Aıaldamalardy, jer ústi ótkelderiniń turaq «qaltalaryn», áleýmettik mańyzy bar obektilerge ótetin joldardy tazartý jumystary kúsheıtildi.
Qalalyq trafıkke júktemeni azaıtý maqsatynda saǵat 07.00-den bastap tehnıkaǵa janarmaı quıý jáne qum taratqyshtardy kóktaıǵaqqa qarsy materıalmen toltyrý júzege asyrylady. Saǵat 10.30-dan bastap joldardyń júris bólikterin qardan tazartýdyń jańa sıkli jáne jınalǵan qardy syrtqy polıgondarǵa shyǵarý bastalady.
Aıta keterligi, bir kún buryn sınoptıkter daýyldy eskertý jarıalady, osyǵan baılanysty qutqarýshylar turǵyndardy kóktaıǵaq kezinde joldarda óte saq jáne muqıat bolýǵa shaqyrdy.