İİM júrgizýshilerdi qolaısyz aýa raıynda alys saparlarǵa shyqpaýǵa shaqyrady, – dep habarlaıdy Polisia.kz.
– Aýa raıynyń buzylýy, kórý múmkindiginiń nasharlaýy, sondaı-aq joldarda kóktaıǵaq kezinde azamattardyń ómiri men densaýlyǵyn saqtaý jáne jol-kólik oqıǵalarynyń aldyn alý úshin qozǵalysqa shekteý engiziledi.
Qystyń basynan beri myńnan astam ret, onyń ishinde qańtar aıynda úsh júzden astam ret joldar jabyldy. Buqaralyq aqparat quraldary arqyly jáne uıaly telefondarǵa habarlama jiberý arqyly halyqqa joldardyń naqty ýchaskelerindegi jaǵdaı týraly aqparat jetkiziledi.
Qaýipsizdikti qamtamasyz etý úshin osy ýchaskelerge polısıa narádtary qoıylady. Qajet bolǵan jaǵdaıda olar avtokólikterdi súıemeldeıdi.
Kórý múmkindigi nasharlaǵan jaǵdaıda patrúldik kólik maıaktardy qosyp, avtokólikterdiń aldyna túsip, basqalarǵa baǵdar beredi.
Bıyl joldardy jabý barysynda 15 myńnan astam kólik quraldary súıemeldendi, qar úıindilerinen 433 adam, onyń ishinde 44 bala jáne 117 avtokólik evakýasıalandy.
Joldardy jabý kezinde polısıanyń zańdy talaptaryna baǵynbaǵan júrgizýshilerge aıyppul nemese bes táýlikke deıin qamaýǵa alý jazasy qarastyrylady.
Bir jyl ishinde baǵynbaý taǵy qaıtalansa, on táýlikke deıin qamalady.
Joldardy jabý kezindegi talaptarǵa baǵynbaǵany úshin jyl basynan beri segiz quqyq buzýshy jaýapkershilikke tartyldy.
Júrgizýshi! Qolaısyz aýa raıy kezinde alys joldarǵa shyqpańyz, qala syrtyndaǵy saparlardan bas tartyńyz!
Ózińizge jáne jaqyndaryńyzǵa abaı bolyńyz! – dedi QR İİM ÁPK tóraǵasy Qaısar Sultanbaev.