Al onyń zardaptaryn joıýǵa eki ǵasyrdan asa ýaqyt qajet.
Kúlli álem boıynsha kedeılikpen kúres jónindegi máselelerdi zertteıtin, 90-nan asa elde jumys isteıtin asa iri Oxfam halyqaralyq birlestigi 2020 jyldan beri planetadaǵy eń dáýleti shalqyǵan bes adamnyń kapıtaly 869 mlrd dolllarǵa kóbeıgenin anyqtaǵan.
Sonymen qatar, adamzattyń eń kedeı 60 paıyzynyń, ıaǵnı, 5 mlrd-qa tarta adamnyń taqyr kedeıge aınalǵan, dep habarlaıdy Almaty-akshamy.kz.
Bul jaıynda islam.kz portaly Guardian aqparat kózine silteme jasaı otyryp málim etti.
Sarapshylar búgingi qalyptasqan tendensıa saqtalatyn bolsa, álemdegi kedeılikti eńserýge kem degende 229 jyl ketetinin eskertedi.
COVID-19 pandemıasynan keıin teńsizdiktiń kúrt ósip, álemdegi mıllıarderler 2020 jylmen salystyrǵanda 3,3 trıllıon dollarǵa baıyǵan jáne olardyń baılyǵy ınflásıa qarqynynan úsh ese jyldam ósken. Wealth zertteý ortalyǵynyń derekteri negizinde júrgizilgen esep boıynsha álemniń eń baı bes adamy - Ilon Mask, Bernard Arno, Jeff Bezos, Larrı Ellıson jáne Mark Sýkerbergtiń jıyntyq baılyǵy 464 mıllıard dollarǵa nemese 114%-ǵa artqan. Dál osy kezeńde álem halqynyń 60%-yn quraıtyn eń kedeı 4,77 mlrd adamnyń jalpy baılyǵy 0,2%-ǵa kemigen. 52 elde 800 mıllıonǵa jýyq jumysshynyń ortasha naqty jalaqysy tómendedi.
Sońǵy eki jylda bul jumysshylardyń barlyǵy 1,5 trıllıon dollar joǵaltqan eken, bul kórsetkish árbir jumysshynyń 25 kúndik joǵaltqan jalaqysyna teń. Dúnıe júzindegi 148 iri korporasıa 2023 jyldyń maýsym aıyna deıingi aralyqta jalpy 1,8 trıllıon dollar tabys tapty, bul mólsher 2018-2021 jyldardaǵy ortasha taza paıdadan 52 paıyzǵa kóp.