Almatyda 1 aqpan saǵat 22:30-dan bastalǵan qar túske deıin jaýady dep boljanyp otyr. Saǵat 07:00-degi jaǵdaı boıynsha aq ulpa 10 sm-ge jetti, dep habarlaıdy Almaty-akshamy.kzAlmaty qalasy Komýnaldyq ınfraqurylymdy damytý basqarmasyna silteme jasap.
Túngi ýaqytta 426 birlik arnaıy tehnıka men 278 jumysshy jumyldyryldy.
Kóktaıǵaqtyń aldyn alý úshin qar jaýǵanǵa deıin negizgi negizgi kósheler suıyq reagenttermen óńdeldi.
Saǵat 04.00-ten bastap 166 qum taratqysh arqyly kóktaıǵaqqa qarsy materıaldar sebile bastady. Saǵat 07:00-ge kelsek, 520 tonna KQM qoldanylady.
Saǵat 05.00-ten bastap 149 shaǵyn kólemdi trotýar tazalaǵysh tehnıkanyń kómegimen trotýarlar men qoǵamdyq oryndarda qar kúrelip jatyr.
Jol patrúldik polısıa kólikteriniń jol bastap júrýimen saǵat 06.00-dan bastap 14 kolonna kólik qar kúrep júr.
Qala kóshelerinen 44 qar tıegish pen 73 ózi túsirgish júk kóligimen qar shyǵarý jumystary jalǵasyp jatyr. Túngi ýaqytta 3,8 myń m3 qar shyǵaryldy (jalpy qysta 198 myń m3).
Saǵat 08.00-den bastap 452 birlik arnaıy tehnıka, onyń ishinde 174 shaǵyn kólemdi tehnıka men 1183 jumysshy qar kúreýge jumyldyrylady.
Aýdan ákimdikterinde jumysty baqylaý úshin táýlik boıy kezekshilik uıymdastyryldy.