Qazaqstan ulttyq quramasy men «Astana» fýtbol klýbynyń shabýylshysy Abat Aıymbetov mansabyn Túrkıa chempıonatynda jalǵastyrady.
Ol endi «Adana Demırspor» fýtbol klýbynda óner kórsetedi, dep habarlaıdy Almaty-akshamy.kz.
«Bizdiń Abat mansabyn Túrkıa chempıonatynda jalǵastyrady. Ulttyq quramanyń shabýylshysy Abat Aıymbetov «Adana Demırspor» komandasynyń oıynshysy atandy. Qos tarap 1.5+1 júıesi boıynsha kelisimshartqa qol qoıdy. Sáttilik serik bolsyn, Abat», delingen Qazaqstan fýtbol federasıasynyń habarlamasynda.
Túrkıalyq «Adana Demırspor» 2023-2024 fýtbol maýsymynda kestede 20 komandanyń ishinde ázirge 8-orynǵa jaıǵasqan. Endi Abat Aıymbetov Marıo Balotellı, Nanı syndy tanymal fýtbolshylarmen bir klýbta dop tebedi.
Abat túrkıalyq klýbta «Mılannyń» eks-oıynshysy, senegaldyq M’Baıa Nánganyń ornyn basady.
Aıta keteıik, Abat keıingi el chempıonatynda «Astana» sapynda 45 mach ótkizip, 10 gol soqqan. 3 nátıjeli paspen kózge túsken.