Túrkistan oblysynda jas ana dúnıege úshem ákeldi
Túrkistan oblysynyń №2 oblystyq perınataldyq ortalyǵynda úshem dúnıege keldi, dep habarlaıdy Almaty-akshamy.kz QazAqparatqa silteme jasap.
«22 jastaǵy Gúlmıra Mırzaeva №2 oblystyq perınataldyq ortalyǵynda úsh qyz bosandy. Jańa týǵan nárestelerge Fotıma, Zýhra, Hadısa esimderi berildi. Nárestelerdiń salmaǵy 2 200 g, 2 310 g, 1 980 g bolǵan», - delingen habarlamada.
Merziminen erte dúnıege kelgen úshem perınataldyq ortalyq dárigerleriniń baqylaýyna alynǵan. Medısına qyzmetkerleriniń kómegimen balalardyń jaǵdaıy turaqty, úshem perzenthanadan shyǵýǵa ázir. Aıta ketsek, úshem dúnıege kelgen otbasynyń uly men qyzy bar. Kóp balaly ana - úı sharýasynda otyrǵan áıel. Al, otaǵasy jeke kásipker. Buǵan deıin 2 balasy bar otbasynyń perzentteri osylaısha bes balaǵa kóbeıdi.