Almatyda ótetin «Qaırat» – «Real Madrıd» machyn tamashalaý úshin 26-29 qyrkúıek aralyǵynda 5 myńnan astam sheteldik qonaq keldi, - dep habarlaıdy Aqshamnews.kz.
Qazaqstannyń ózge óńirlerinen kelgen jankúıerlermen birge jalpy kórermen sany ondaǵan myń adamǵa jetti. Bul týraly Almaty qalasy Týrızm basqarmasy «e-Qonaq» aqparattyq júıesiniń derekterine silteme jasap habarlady.
Negizgi týrıser legi Qytaı, Úndistan, Reseı, Qazaqstannyń basqa oblystarynan, sondaı-aq Japonıa, Ulybrıtanıa, Ispanıa, Chehıa, TMD jáne ózge de Eýropa memleketterinen kelgen.
Machtyń ekonomıkalyq áseri aıtarlyqtaı joǵary bolmaq. Mastercard kompanıasynyń málimetinshe, Almatyǵa kelgen sheteldik týrısiń ortasha shyǵyny shamamen 1 500 AQSH dollaryna jetedi. Bul qarjyǵa qonaq úıde turý, tamaqtaný, kólik, oıyn-saýyq pen saýda kiredi. Mundaı shyǵyndar shaǵyn jáne orta bıznestiń damýyna serpin berip, qyzmet kórsetý salasyn jandandyrady ári qala ekonomıkasyna mýltıplıkatıvti áser etedi.
