Taýardyń kedendik quny – 25,3 mln teńge.
Almaty áýejaıyna iPhone 15 telefondary kontrabandalyq jolmen ákelingen, dep habarlaıdy Almaty-akshamy.kz Memlekettik kirister komıtetine silteme jasap.
Bıyl 22 qyrkúıekte «Dýbaı-Almaty» reısin kedendik baqylaý kezinde jeke tulǵanyń deklarasıalanbaǵan 34 dana iPhone 15 telefonyn zańsyz ákelý dereginiń joly kesildi. Telefondardyń aldyn-ala eseptelgen kedendik quny – 25,3 mln teńge, keltirilgen shyǵyn kólemi – 3,1 mln teńge.
Zań buzýshylyqty Almaty qalasynyń «Jetisý» keden beketiniń mamandary, Almaty qalasy boıynsha Ekonomıkalyq tergeý departamentiniń jáne UQK Shekara qyzmeti Almaty shekaralyq baqylaý basqarmasynyń qyzmetkerlerimen birlesip, Almaty qalasy Avıasıalyq kólik prokýratýrasynyń úılestirýimen anyqtady.
Uıaly telefondar jeke taýarlar sanatyna jatady jáne jeke tulǵalar ony kedendik shekara arqyly ótkizgen kezde olardyń sany bir adamǵa eki danadan aspaýǵa tıis (Qarjy mınıstrliginiń 2015 jylǵy 31 naýryzdaǵy №250 buıryǵy).
Tárkilengen taýarlar kedendik rásimdeýden ótý jáne ruqsat qujattaryn jasatý úshin ýaqytsha saqtaý qoımasyna jiberildi.
Uıaly telefondardy deklarasıalaýsyz ákelýge áreket jasaǵan adamǵa Ákimshilik quqyqbuzýshylyq týraly kodekstiń 551-baby 1-bóligine sáıkes 103,5 myń teńge (30 AEK) aıyppul salynady.
MKK Almaty qalasy boıynsha departamenti qazaqstandyqtardy Almaty halyqaralyq áýejaıynyń jolaýshylar termınalynda tyıym salynǵan jáne shektelgen taýarlarǵa, onyń ishinde áskerı jáne qosarly maqsattaǵy taýarlardyń qozǵalysyna kedendik baqylaýdyń kúsheıgenin eskertedi.