Ýnıversıtet stýdenti kúdikti retinde ustaldy.
Nıderlandydaǵy Rotterdam qalasynda qarýly adam oq jaýdyryp, úsh adamdy óltirdi, dep habarlaıdy almaty-akshamy.kz. BBC-ge silteme jasap.
39 jastaǵy áıel men 42 jastaǵy ýnıversıtet oqytýshysy birden qaıtys boldy. Polısıa habarlaǵandaı, olardyń denesi bir jerden tabylǵan joq. Óltirilgen áıeldiń 14 jasar qyzy aýyr jaraqat alyp, keıin aýrýhanada qaıtys boldy.
Shabýyldaýshy páterde, sodan keıin jaqyn mańdaǵy Erazmýs medısınalyq ortalyǵynda oq jaýdyrdy. Páterde ol ekeýin jaraqattap, sodan keıin ony órtep jiberdi, dep habarlaıdy jergilikti BAQ. Keıin ol atysyn medısınalyq mekemede jalǵastyrdy.
Polısıa eki oqıǵaǵa da qatysy bar degen kúdikpen Erazmýs medısınalyq ýnıversıtetiniń stýdenti bolǵan 32 jastaǵy qala turǵyny qamaýǵa alynǵanyn aıtty. Rotterdam prokýrory Ýgo Hıllenaardyń aıtýynsha, qylmysqa ne sebep bolǵany áli anyqtalǵan joq.