Bul týraly ÓKQ brıfıńinde Almaty poshtasy dırektorynyń óndiris jónindegi orynbasary Nadejda Zabýrına aıtty.
Almatyǵa kóbine Qytaı, Ispanıa, Germanıa, Brazılıa, Moldavıa jáne Reseıden poshta keledi, dep habarlaıdy Almaty-akshamy.kz
«Qazposhta» dúnıejúzilik poshta odaǵynyń múshesi, oǵan 192 el kiredi. Olarmen poshtalyq hat almasýlar men jóneltýler júrgiziledi.
«Bizde Moldova, Ispanıa, Germanıa, Reseı, Qytaıdan keletin kóptegen hat - habarlar, sálemdemeler, banderólder men shaǵyn paketter bar», - dedi Nadejda Zabýrına.
Ol sonymen qatar statısıkany keltirdi. Máselen, 2023 jyldyń 8 aıynda 3 mln 900 myńnan astam jazbasha hat-habar qabyldandy, shamamen 30 paıyzy-halyqaralyq poshta. Osy kezeńde 1 mln 700 myń poshta jóneltilimi jetkizildi jáne tapsyryldy, 1 mln 100 myń sálemdeme berildi.
Ótken jylmen salystyrǵanda sálemdemeler men hattardy jiberý 20 paıyzǵa ósti.
Almaty qalasy boıynsha apta saıyn 2000-ǵa jýyq hat jetkiziledi.
Sonymen qatar, almatylyqtar áli kúnge deıin baspa basylymdaryna belsendi jazylýshylar qatarynan. Bıylǵy 8 aıda megapolıs oqyrmandaryna 950 myń baspa basylymy jetkizildi, olar jýrnaldar men gazetter. 2023 jyldyń sońyna qaraı bul kórsetkish 1.5 mln danaǵa jetedi.
Qyzmetterdiń sapasyn baqylaý bóliminiń bastyǵy Zýlfıra Aıýpova baqylaý merzimderi boıynsha únemi monıtorıń júrgizilip otyratynyn aıtty.
«Eger buryn qala turǵynynyń Almatydan Astanaǵa jibergen sálemdemesi 2-3 kún ishinde barsa, qazir bizde «týra sol kúni jetkizý » degen jańa qyzmet engizildi. Ol úshin klıent saǵat 12.00 - ge deıin «Qazposhta» bólimshesine júginýi qajet», - dedi spıker.