Almatyda báıgeden Qazaqstan chempıonatynyń qorytyndysy boıynsha eń úzdik shabandozdar tańdaldy
Almatyda qala ákimdigi men Qazaqstan Respýblıkasy Ulttyq sport túrleri qaýymdastyǵynyń qoldaýymen jarystyń eń kóne túrleriniń biri – báıge boıynsha Qazaqstan Respýblıkasy chempıonatynyń fınaly ótti. İs-sharany «Báıge federasıasy» RQB uıymdastyrdy, dep habarlaıdy almaty-akshamy.kz.
Fınaldyq jarystarda Qazaqstannyń túkpir-túkpirinen irikteý kezeńderiniń jeńimpazdary báseke tústi. Olar earys barysynda saıys rýhy men adal kúres ahýalyn qalyptastyrdy. Jarystyń jalpy júlde qory 82 500 000 teńgeni qurady.
Jarys qorytyndysy boıynsha birneshe jeńimpaz irikteldi.
Sonymen, Ushqyr báıge saıysy boıynsha İ oryndy Orasan Zor arǵymaǵymen shabandoz Dıdarbek Kúrishbek ıelendi.1 oryn úshin júlde qory 2 500 000 mln teńgeni qurady.
Qunan báıge saıysynda shabandoz Arnat Murathan Juldyzaı tulparymen jeńiske jetti. Munda 1 oryn úshin júldeli qor 5 000 000 mln teńgeni, 2 oryn úshin - 2 500 000 mln teńgeni jáne 3 oryn úshin - 1 500 000 mln teńgeni qurady.
Jorǵa jarys saıysynda I oryndy shabandoz Maqsat Músilimuly Banzaı atymen jeńip aldy.1 oryn úshin júlde qory 3 000 000 mln teńgeni qurady.
Qunan báıgeniń fınaldyq jarysynda shabandoz Arnat Murathan birge Zymyran arǵymaǵymen jeńimpaz atandy.1 oryn úshin júlde qory 5 000 000 mln teńgeni qurady.
Top báıge saısynda jarys qorytyndysy boıynsha birinshi júldeni shabandoz Abzal Turmys Tumar esimdi atymen jeńip aldy. 1 oryn úshin júlde qoryor 8 000 000 mln teńgeni, 2 oryn úshin - 3 000 000 mln teńgeni jáne 3 oryn úshin - 1 500 000 mln teńgeni qurady.
Alaman báıge boıynsha I oryndy shabandoz Álisher Tilek Qupıa esimdi arǵymaǵymen ıelendi. 1 oryn úshin júlde qory 10 000 000 mln teńgeni qurady.
Uly Alman báıgesinde İ oryndy Shaǵala atymen shabandoz Aslanbek Ábdihal jeńip aldy.1 oryn úshin júlde qory 9 000 000 mln teńgeni qurady
Chempıonattyń mýzykalyq kóńil - kúıin Federasıa ambassadory Asylbek Eńsepov, qazaq estradasynyń súıikti ártisteri Medeý Arynbaev pen Ázimbek Beılın kóterdi. İs – shara aıasynda «Ulttyq kıim - ult ajary» baıqaýy ulttyq kostúmder baıqaýy ótti. Onyń jeńimpazy Baqytgúl Pardaeva boldy.
Aıta keterligi, kelesi jyly Chempıonatqa jańa qalalardy qosý jáne qatysýshylar úshin júlde qoryn ulǵaıtý josparlanýda.