Qazaqstanda jolaýshylar poıyzy arqyly komersıalyq júk tasymaldaýdyń jańa kezeńi bastaldy: Astanadan Almatyǵa Talgo poıyzy arqyly 1 tonna 700 keli júk sátti jetkizildi. Bul týraly Aqshamnews.kz saıty habarlaıdy.
Jańa logıstıkalyq sheshim – jyldam ári tıimdi
Júk tasymaly "Qazaqstan temir joly" UK men Warehouse Management IAA logıstıkalyq kompanıasynyń birlesken seriktestigi arqyly júzege asty. Atalǵan kompanıa elimizdegi kıim-keshek dúkenderiniń 80%-dan astamyna qyzmet kórsetedi jáne LTL-jetkizý boıynsha jetekshi oıynshy bolyp tabylady.
Maqsat – jyldamdyq pen sapa
Jobanyń basty maqsaty – taýardy tutynýshyǵa jedel jetkizý, tasymaldaý sapasyn arttyrý jáne sán ındýstrıasyndaǵy bızneske zamanaýı logıstıkalyq qyzmet usyný. Talgo poıyzynyń jyldamdyǵy men senimdiligi logıstıka salasyndaǵy jańa múmkindikterge jol ashýda.