Almatydan qashpaq bolǵan bir top maroder ustaldy. Bul týraly qalalyq komendatýranyń aqparattyq ortalyǵy málim etti, dep habarlaıdy Almaty-akshamy.kz QazAqparatqa silteme jasap.
Medeý aýdandyq polısıa qyzmetkerleri Mańǵystaý oblysynyń bes turǵynyn ustady. Olardan túrli saýda úılerinen urlanǵan zattaı aıǵaqtar tabyldy. Kúdiktiler bul zattardy tonaý jolymen alǵanyn moıyndady.
Sondaı-aq, ustalǵandardan áskerı qyzmetshilerge tıesili shý granatalary, bas kıimderi, oq ótpeıtin kıim men qalqandary tárkilendi. Atalǵan fakt boıynsha QR QK-niń 272-baby (Jappaı tártipsizdikterdi uıymdastyrý jáne oǵan qatysý) jáne QR QK-niń 188-baby (Bótenniń múlkin jasyryn jymqyrý) boıynsha sotqa deıingi tergeý bastaldy.
Kúdiktiler ýaqytsha ustaý ızolátoryna qamaldy. Qylmystyq is sotqa jiberiletin bolady.