Bolashaq kilti - birlikte
Qazaqstan Respýblıkasynyń Prezıdenti Qasym-Jomart Toqaev Parlament Májilisiniń otyrsynda «Jańa Qazaqstandy quramyz» dedi.
Álemge sholý. Amerıka Qurama Shtattary 1789 jyly ózderiniń alǵashqy kósemin saılady. 1791 konstıtýsıasyn qabyldady. Mine, osy sátten bastap damýǵa qaraı bet burdy. Ekonomıkany ártaraptandyrdy. Elıtany qalyptastyrdy. Qarjy sektoryn jolǵa qoıdy. Barlyǵy amerıkalyqtardyń bolashaǵynyń ıgi bolmaǵy úshin edi.
Japonıa ekinshi dúnıjúzilik soǵystan ábden qaljyrady. Ondaǵy iri tórt araldyń basy birige qoımady. Olar osy qaljyraýdan aqyldyń kúshimen shyqty. Qaldyqty óńdedi. Tehnologıany jetildirdi. Keme, mashına, elektronıka jasaý salasynda úzdik nátıje kórsetti. Óńdeý ónerkásibi salasynda birqatar ózgerister jasady. Osylaısha áleýmettik áleýetti kóterdi.
Bul atalǵan damyǵan derjavalar tájirbıesin Ońtústik Koreıa, Kanada, Sıngapýr syndy memleketter qoldandy desek, anyq bolar. Biraq, árbir istiń qate tustary da kezdesti. Degenmen atalǵan elder bul tyǵyryqtan shyǵyp, álemniń ekonomıkasynyń kóshbasshysyna aınala bildi.
Jarqyn bolashaq. Abylaı han, Han Kene kezinde Ortalyq, Teriskeı, Syrdarıa boıyna egin salýdy jón kórgen. Almaǵaıyp shaqta soǵan kúsh salǵan. Sóıtip, mal sharýashylyǵymen qatar aýyl sharýashylyǵyn qolǵa alǵan. Ol, árıne, tapqyrlyq boldy. Anyǵy sol, HVIII-XIX ǵasyrdaǵy dúnıe osy kúnge deıin ózekti bolyp tur. Bul jaǵynan birqatar ister tyndyrylyp jatyr da.
Qazaq jurty - taǵdyrly halyq. Óziniń arǵy-bergi tarıhynda kópti kórdi. Jońǵar, qalmaq, oırattar, Qoqan, Hıýa shapqynshylyǵy, patshalyqtyń jasaǵandary bári jurttyń qańqasyn, janyn jaralady. Dese de, áýeli Jaratýshynyń, sodan keıin ózderiniń birliginiń arqasynda barlyq qıynshylyqty eńserdi.
Endigi bolashaq jastardyń qolynda. Bul - aqıqat. Olar İT, nanotehnologıa, bıotehnologıa, qarjy sektorynda asa zor jetistikterge jetip júrgen jastar jeterlik. Qarakózderimiz AQSH, Eýropa, Kanada, Qytaı naryǵynda jemisti eńbek etip júr. Meıilinshe, sol azamattar elge oralyp, týǵan jerdiń damýyna úlesin qossa degen oıdamyz.
Qazaq eliniń alar asýy, baǵyndyrar belesi, jarqyn bolashaǵy alda dep senemiz. Qasıetti Otanymyz máńgi jasasyn!