Qazaqstan damý banki jeke toptardyń jeke bankine aınalǵan. Memleket basshysy Qasym-Jomart Toqaev Parlament Májilisiniń otyrysynda osyndaı pikir bildirdi, dep habarlaıdy Almaty-akshamy.kz QazAqparatqa silteme jasap.
«Qazaqstan damý banki qarjy-ónerkásiptik jáne qurylys toptarynyń ishinde tańdaýly tulǵalar tobynyń jeke bankine aınaldy. Biz báriniń aty-jónin bilemiz. Joǵary kabınetterge kire alatynyn paıdalanyp, olar óz jobalaryn iske asyrýda artyqshylyq alyp otyr. Bul jobalarǵa ketken memlekettiń qarajatyn shaǵyn jáne orta bızneske jumsaýǵa bolatyn edi», - dedi Qazaqstan Prezıdenti. Condaı-aq, ol Úkimetke Qazaqstan damý bankiniń qyzmetin qaıta qurýdy júktedi. «Memlekettik qoldaý sharalaryn usyný úderisteri ashyq emes ári tıimsiz bolyp qalýda. Bul tásilderdi túbegeıli qaıta qaraý kerek. Bul túsinikti ári ashyq tetikter bolýy kerek», - dedi Memleket basshysy.
Májilis otyrysynda Prezıdent «Dostarǵa – bári, qalǵandaryna – zań boıynsha» qaǵıdaty ekonomıkadaǵy olıgapolıany odan ári kúsheıtetinin basa aıtty.
«Memlekettik qoldaý sharalarynyń tıimdiligi men qoljetimdiligi týraly ádil suraqtar týyndap jatyr. Qalyptasqan júıe negizinen iri qurylymdarǵa «dostarǵa –bári, qalǵandaryna – zań boıynsha» qaǵıdatymen qyzmet kórsetýge baǵdarlanǵan. Shyn máninde, qazirgi júıe ekonomıkadaǵy olıgapolıany odan ári kúsheıtedi», - dedi Qasym-Jomart Toqaev.