Almaty Batys Qazaqstandaǵy sý tasqynynyń saldaryn joıý úshin arnaıy tehnıka jiberedi
Qazaqstan Respýblıkasy Premer-Mınıstriniń tapsyrmasyna sáıkes Almaty qalasynyń ákimdigi Oral qalasyna qyzmet kórsetetin personaly bar arnaıy maqsattaǵy mashınalardy jóneltýdi uıymdastyrdy.
Almaty qalasynan 51 tehnıka Oral qalasynda ornalasqan. 12 sáýirde temirjolǵa samosvaldar, greıderler, búldozerler, sondaı-aq tıegishter kiretin quram jiberildi.
Sý tasqyny saldaryn joıý boıynsha táýlik boıy jumys isteý úshin arnaıy tehnıkanyń 400-ge jýyq júrgizýshisi jiberiledi, kómekshi personal quramynda dárigerler, TJ qyzmeti jáne ákimdik qyzmetkerleri qatysady.
Oralǵa kelgennen keıin qurylǵan jedel shtabty Almaty qalasy energetıka jáne sýmen jabdyqtaý basqarmasynyń basshysy Talǵat Malybaev basqarady.
_«47 birlikten turatyn birinshi partıa 12 sáýirde jiberildi, tańerteń ekinshi partıa jiberiledi. Búgingi tańda Oral qalasynda 51 birlik tehnıka ornalastyrylǵan», - dep túsindirdi Talǵat Malybaev._
Sonymen qatar, Almaty kásipkerleri, iri qurylys kompanıalary zardap shekken aımaqqa kómek kórsetý úshin mehanızatorlarmen jáne júrgizýshilermen arnaıy tehnıkalaryn usyndy.
Tolyq avtonomdy jumysty qamtamasyz etý úshin personal dalalyq as úımen, bıodárethanalarmen jáne dalalyq shatyrlarmen, órt sóndirý tehnıkasymen, assenızatormen, sý tasıtyn kólikpen, jyljymaly komandalyq pýnktpen, sondaı-aq basqa da qajetti quraldarmen jabdyqtalǵan.
Aıta keteıik, josparǵa sáıkes Almaty qalasynyń ákimdigi 200-den astam arnaıy tehnıka jiberedi.
Quramnyń tehnıkamen jáne qyzmetkerlermen barýy dúısenbi, 15 sáýirde kútiledi.
Almaty TJD-dan Atyraý oblysyna jol boıynda 3 birlik tehnıka jiberildi, onyń ishinde: «KaMAZ» shasıindegi 2 órt-sorǵy stansıasy, úlken kólemdegi sýdy sorýǵa arnalǵan jeńdi órt sóndirý avtokóligi, sondaı-aq jeke quramnyń 7 adamy.