Ásem qalamyz Almatynyń taza bolýyna «Alatau aqparat» medıaholdıngi men «Almaty» telekanaly óz úlesterin qosty.
Alataý aýdany Nurkent yqsham aýdanynda bas qosqan aqparat salasynyń qyzmetkerleri, aýlalar men kóshelerdi qoqystan tazartty. Azamattyq jaýapkershilik tanytqan 50 jýyq adam, bir úıdiń balasyndaı tabıǵatymyzdy tazalaýdy ıgi is sanady.
Jumyla kótergen júktiń jeńil bolary anyq. Osylaısha tazalyqty jany súıetin aqparat salasynyń qyzmetkerleri bir qolyna kúrek ustasa, ekinshi qolyna qap ustady. Almatyny bizdiń ortaq úıimiz ekenin kórsetýdi maqsat etti. Qalanyń tazalyǵy arnaıy mamandardyń ǵana emes, árbir turǵynnyń mindeti.
Qorshaǵan ortamyzdy qorǵaý jáne taza ustaý adamdardyń qolynda. Ásem qalamyzǵa degen súıispenshilik onyń tabıǵatyn qurmetteýden bastalady.
Qalamyzdyń sulýlyǵyn saqtaý úshin kúndelikti ómirimizge tazalyq mádenıetin qalyptastyrýmyz kerek. Osy oraıda, qalamyzdy tazalaý bir bólek, ony lastamaý kerektigin de umytpaǵan jón. Kóshelerde, aýlalarda jáne qoǵamdyq oryndarda qoqys tastamańyz! Alyp shaharmyzǵa meıirimdilikpen qaraıyq. Almaty – bizdiń ortaq úıimiz.
