Qazaqstannyń Qyzyl Aı qoǵamynyń uıymdastyrýymen Aqtóbe oblysyndaǵy sý tasqynynan zardap shekkenderge gýmanıtarlyq kómek jiberildi.
Igi iske LCWaikiki, Colgate Palmolive kompanıalary, tótenshe jaǵdaılar jáne apattar qaýpin azaıtý ortalyǵy, Qazaqstandaǵy IýNISEF uıymy atsalysty. Gýmanıtarlyq kómek retinde matras, aıaq kıim, rezeńke etik, kúrek, qum salatyn qapshyqtar, jańa kıim jáne jeke gıgıenalyq quraldar jiberildi.
Júkti tıeýe Qazaqstan Respýblıkasy Ulttyq ulany 5571 áskerı bóliminiń jeke quramy atsalysty.
Birligi jarasqan eldiń janashyrlyǵy synalatyn shaqta kásipkerler, eriktiler, qoǵamdyq uıym ókilderi belsendilik tanytyp, halyqtyń kúshi birlikte ekenin taǵy bir márte dáleldedi.
Biz birgemiz!