Almatyda jańbyr jaýyp, naızaǵaı oınaıdy, burshaq jaýady dep boljandy.
Astanada jáne Qazaqstannyń 14 oblysynda daýyldy eskertý jarıalandy, dep habarlaıdy Almaty-akshamy.kz "Qazgıdromet" RMK-nyń baspasóz qyzmetine silteme jasap.
Astanada túnde jáne tańerteń tuman bolady dep kútiledi.
Aqmola oblysynda túnde jaýyn-shashyn (jańbyrdyń sońy qarǵa ulasady), kúndiz jańbyr jaýady. Túnde jáne tańerteń tuman túsedi. Kúndiz oblystyń soltústiginde, ońtústiginde, shyǵysynda soltústik-batystan, batystan soqqan jeldiń ekpini 15-20 m/s quraıdy.
Ulytaý oblysynyń soltústiginde, shyǵysynda, ortalyǵynda jańbyr jaýady. Túnde jáne tańerteń oblystyń batysynda, soltústiginde, ońtústiginde tuman túsedi. Oblystyń soltústiginde, shyǵysynda, ortalyǵynda soltústik-batystan, batystan 15-20 m/s jyldamdyqpen jel soǵady. Jezqazǵanda kúndiz jańbyr jaýady, batystan soqqan jeldiń ekpini - 15-20 m/s.
Túnde jáne tańerteń Atyraý oblysynyń batysynda, ońtústiginde tuman bolady dep kútiledi.
Qaraǵandy oblysynda jańbyr jaýady, kúndiz oblystyń soltústiginde de jańbyr jaýady. Túnde jáne tańerteń oblystyń batysynda, ońtústiginde, ortalyǵynda tuman bolady. Óńirdiń soltústiginde, shyǵysynda, ońtústiginde soltústik-batystan, batystan 15-20 m/s jyldamdyqpen jel soǵady. Qaraǵandyda arakidik jańbyr jaýady. Kúndiz soltústik-batystan, batystan soqqan jeldiń ekpini - 15-20 m/s.
Kúndiz Jetisý oblysynyń taýly aýdandarynda qatty jańbyr jaýyp, naızaǵaı oınaıdy, burshaq túsedi, daýyl turady dep kútiledi. Oblystyń taýly aýdandarynda, shyǵysynda batystan soqqan jeldiń ekpini 15-20 m/s, keı tusta 23-28 m/s deıin jetedi. Taldyqorǵanda kúndiz naızaǵaı oınaıdy dep kútiledi. Naızaǵaı kezinde batystan soqqan jeldiń ekpini - 15-20 m/s.
Túnde jáne tańerteń Batys Qazaqstan oblysynyń batysynda, ońtústiginde tuman bolady dep kútiledi.
Abaı oblysynyń batysynda, ońtústiginde nóser jańbyr jaýady. Kúndiz oblystyń soltústiginde naızaǵaı oınaıdy. Oblystyń soltústigine, batysyna, soltústikten ońtústikke oıysa soqqan jeldiń ekpini 15-20 m/s, keı tusta 23 m/s deıin jetedi. Semeıde kúndiz naızaǵaı oınaıdy dep kútiledi. Ońtústik-batys soqqan jeldiń ekpini - 15-20 m/s.
Túnde jáne tańerteń Aqtóbe oblysynyń batysynda tuman bolady dep kútiledi. Oblystyń soltústiginde, shyǵysynda batystan, ońtústik-batystan soqqan jeldiń ekpini 15-18 m/s quraıdy. Aqtóbede kúndiz batystan, ońtústik-batystan soqqan jeldiń ekpini - 15 m/s.
Kúndiz Qostanaı oblysynda jańbyr jaýady. Oblystyń soltústiginde, shyǵysynda, ońtústiginde tuman túsedi. Kúndiz oblystyń batysynda, ońtústiginde batystan, ońtústik-batystan soqqan jeldiń ekpini 15-20 m/s deıin jetedi. Qostanaıda túnde tuman túsedi dep kútiledi.
Túnde Soltústik Qazaqstan oblysynyń soltústiginde, batysynda, shyǵysynda jaýyn-shashyn (jańbyr, qar), kóktaıǵaq bolady, kúndiz jańbyr jaýady dep kútiledi. Oblystyń soltústiginde, shyǵysynda, ońtústiginde tuman túsýi yqtımaldylyǵy joǵary. Kúndiz oblystyń batysynda, ońtústiginde, soltústiginde batystan, ońtústik-batystan 15-20 m/s jyldamdyqpen jel soǵady. Petropavlda kúndiz jańbyr jaýady. Túnde jáne tańerteń tuman túsedi dep kútiledi. Batystan, ońtústik-batystan soqqan jeldiń ekpini 15 m/s bolady.
Túnde Jambyl oblysynyń batysynda, taýly aýdandarynda nóser jańbyr jaýyp, naızaǵaı oınaıdy, burshaq túsedi, daýyl turady dep kútiledi. Kúndiz oblystyń ońtústiginde, taýly aýdandarynda qatty jańbyr jaýyp, naızaǵaı oınaıdy, burshaq túsedi, daýyl turady dep kútiledi. Oblystyń ońtústik-batysynda, soltústik-shyǵysynda, taýly aýdandarynda ońtústik-batystan soqqan jeldiń ekpini 15-20 m/s quraıdy. Tarazda kúndiz qatty jańbyr jaýady. Arakidik naızaǵaı oınap, burshaq túsedi, daýyl bolady. Ońtústik-batystan soqqan jeldiń ekpini - 15-20 m/s.
Pavlodar oblysynda jańbyr jaýady, túnde oblystyń soltústiginde tuman túsedi. Kúndiz oblystyń batysynda, ońtústiginde batystan soqqan jeldiń ekpini 15-20 m/s deıin jetedi. Pavlodarda jańbyr jaýady dep kútiledi.
Kúndiz-túni Shyǵys Qazaqstan oblysynda qatty jaýyn-shashyn (jańbyr, qar) bolady dep kútiledi. Kúndiz oblystyń soltústiginde naızaǵaı oınaıdy. Oblystyń shyǵysynda, ońtústiginde tuman túsý yqtımaldylyǵy joǵary. 9 sáýirde oblystyń soltústiginde, shyǵysynda, ońtústiginde ońtústik-shyǵystan batysqa oıysa 15-20 m/s jyldamdyqpen jel soǵady. Óskemende kúndiz naızaǵaı oınaıdy dep kútiledi. Kúndiz ońtústik-shyǵystan soqqan jeldiń ekpini - 15-18 m/s.
Kúndiz Almaty oblysynyń ońtústiginde arakidik jańbyr jaýady, oblystyń taýly aýdandarynda qatty jaýyn-shashyn (jańbyr, qar) bolady. Kúndiz oblystyń ońtústiginde, taýly aımaqtarynda naızaǵaı oınap, burshaq jaýyy yqtımal. Oblystyń soltústiginde, ońtústiginde, taýly aýdandarynda batystan, soltústik-batystan soqqan jeldiń ekpini 15-20 m/s, keı tusta 23-28 m/s deıin jetedi. Almatyda tústen keıin qatty jańbyr jaýyp, naızaǵaı oınaıdy, burshaq jaýady dep kútiledi. Batystan, soltústik-batystan soqqan jeldiń naızaǵaı kezindegi ekpini 15-20 m/s quraıdy. Qonaevta kúndiz naızaǵaı oınaıdy dep kútiledi. Batystan, soltústik-batystan soqqan jeldiń naızaǵaı kezindegi ekpini 15-20 m/s, keı tusta 25 m/s deıin jetedi.