Almaty-Dostyq baǵytyndaǵy «Talgo» poıyzy 16 maýsym men 31 tamyz aralyǵynda qatynaıtyn boldy.
Buǵan deıin «Atameken» ulttyq kásipkerler palatasy ýáde etilgen bıletterdiń satylmaı jatqanyn aıtyp, másele kótergen bolatyn, dep habarlaıdy Almaty-akshamky.kz QazAqparatqa silteme jasap.
«Jolaýshylar tasymaly» AQ baspasóz qyzmetiniń habarlaýynsha, bılet satylymy 8 maýsymda bastalǵan. Jalpy, Alakólge atalǵan eki «Talgo» poıyzynan bólek 11 qalypty poıyz qatynaıdy. Buǵan deıin QTJ Alakólge qatynaıtyn «Talgo» poıyzyna bılet nege satylmaı jatqanyn túsindirgen edi.
«Bul baǵytta ádettegi poıyzdar kedergisiz júrip jatyr jáne bılet bar. Al «Talgo» poıyzyna ázirge bılet satyp jatpaǵanymyz ras. Buıyrtsa, osy aptanyń sońynda ashylady dep otyrmyz. Sol jospar boıynsha, 15-16 maýsymnan bastap «Talgo» qatynaı bastaıdy. Bul týraly buǵan deıin de habarlaǵanbyz. Iaǵnı, jospar boıynsha, «Talgo» poıyzyna bıletter aptanyń sońyna deıin satylymǵa shyǵady», - dedi kompanıanyń baspasóz hatshysy Mádı Muhamedqalı.