Almaty oblysyndaǵy Saty aýylynda ásiredinshil kózqarastaǵy azamat zırattardy qıratyp ketken, dep habarlaıdy aqshamnews.kz.
Kólsaı kólderiniń túbinde ornalasqan bul eldimekendegi zıratta belgisiz er adam birneshe qulyptasty qıratqan. Qabirlerdiń qorlanǵany týraly vıdeo áleýmettik jelilerde tarap, jurttyń narazylyǵyn týdyrdy. Kadrlarda beıit basynda shashylyp jatqan qulyptastar anyq kórinedi.
Aýyl turǵyndary bul áreketti ıslam dinine de, adamgershilikke de jat dep sanaıdy. Qazir jaǵdaıdy quqyq qorǵaý organdary men jergilikti ákimdik baqylaýǵa alyp, tekseris jumystaryn bastaǵan. Tıisti organdar atalǵan azamattyń jeke basy men onyń qandaı dinı baǵytty ustanatynyn anyqtap jatyr.