22-23 qańtarda Almaty qalasynda jaýǵan qardyń qalyńdyǵy 18 sm-ge jetti. Osyǵan baılanysty komýnaldyq qyzmet qardy kúreý men shyǵarý jumystaryn keń aýqymda uıymdastyrdy, dep habarlaıdy aqshamnews.kz Komýnaldyq ınfraqurylymdy damytý basqarmasyna silteme jasap.
Túngi ýaqytta qardy shyǵarý úshin 161 júk kóligi jumyldyryldy. Qar jaýǵannan beri 24 myń tekshe metr qar shyǵaryldy.
Qaýipsiz qozǵalysty qamtamasyz etý jáne joldardy tazartý maqsatynda 442 arnaıy tehnıka, onyń ishinde 175 tartylǵan kólik qoldanyldy. 1280 jumysshy joldardy tazalaýǵa kirisse, onyń ishinde 257 adamy qosymsha tartylǵan.
Sonymen qatar, trotýarlardy, qoǵamdyq oryndardy, qoǵamdyq kólik aıaldamalary men jerústi ótkelderin mehanıkalandyrylǵan tazalaý jumystary júrgizilýde.
24 qańtar kúndizgi ýaqytta 448 arnaıy tehnıka men 1192 jumysshy jumyldyrý josparlanyp otyr.
«Qazgıdromet» RMK boljamynsha 24 qańtarda kún alabultty, jaýyn-shashyn kútilmeıdi. Kúndizgi aýa temperatýrasy -10…-12°S shamasynda bolady.