Aǵymdaǵy jóndeýge keletin bolsaq, 203 kásipkerlik nysany tekserildi.
Bul týraly Almaty qalasynyń tynys-tirshiligin qalpyna keltirý jónindegi qalalyq shtab otyrysynda qala ákiminiń orynbasary Muhıt Ázirbaev málimdedi, dep habarlaıdy Almaty-akshamy.kz
M. Ázirbaevtyń aıtýynsha, búgingi tańda Almatyda qalpyna keltirýge jatatyn 243 nysan anyqtaldy. Onyń ishinde: 27 – memlekettik mekemelerdiń nysandary, 216 – SHOB nysandary.
216 SHOB nysanynyń 206-sy tekserildi. Úsh nysanǵa kúrdeli jóndeý qajet: Jetisý aýdanyndaǵy «Mereı» SÚ Qoıma ǵımaraty, Bostandyq aýdanyndaǵy «Mır 24» TRK ǵımaraty, Áýezov aýdanyndaǵy das Auto Service ǵımaraty. QMJ quny anyqtalady.
203 nysan aǵymdaǵy jóndeýdi qajet etedi, onyń 8-i menshik ıeleriniń óz qarajaty esebinen qalpyna keltirildi.
127 nysan boıynsha aldyn ala shyǵyn somasy 56 mln teńgeni quraıdy.
«Akkredıttelgen uıymdar tehnıkalyq tekserý, aqaýly aktiler men smetalyq esepterdi daıyndaý jumystaryn jalǵastyrýda. 10 nysan boıynsha tekserý júrgizý jáne ruqsat alý úshin menshik ıelerin izdeý júrgizilýde», - dedi ákimniń orynbasary.
M. Ázirbaev energıa tıimdiligin basqarý boıynsha 8 nysanda (Medeý aýdanyndaǵy ıesiz jelilerdi rekonstrýksıalaý, «Tuzdybastaý», «Kaskad», «Almagúl» qosalqy stansıalarynyń qurylysy, IýRK qazandyǵyn rekonstrýksıalaý, «Qarǵaly» sý qabyldaǵyshynyń qurylysy, «Premera» qazandyǵyn keńeıtý, "Aqjar" shaǵynaýdanyndaǵy jelilerdi salý) QMJ qaıta jańǵyrtylǵanyn aıtty. 19 nysan qysqy kezeńge toqtatyldy.
Sondaı-aq, jeke qurylys salýshylardyń barlyq 143 obektisinde qurylys-montajdaý jumystary qaıta jandandy.