Azyq-túlik qory jetkilikti deńgeıde
Almaty qalasynyń kásipkerlik jáne ınvestısıalar basqarmasynyń basshysy Erkebulan Orazalın Almatynyń tynys-tirshiligin qalpyna keltirý jónindegi qalalyq shtab otyrysy barysynda megapolısti azyq-túlikpen qamtamasyz etý týraly baıandady, dep habarlaıdy Almaty-akshamy.kz
«Búginde Almatynyń barlyq azyq-túlik kásiporyndarynyń qyzmeti qalpyna keltirildi. Ónimderdi jetkizý barlyq iri jáne orta sýpermarketterge, «úı janyndaǵy» dúkenderge, sondaı-aq bazarlarǵa shtattyq rejımde júrgizilýde. Qalada 144 iri jáne orta sýpermarket, 3,5 myńnan astam «úı janyndaǵy» dúken, 26 azyq-túlik bazary jumys isteıdi. Jalpy, qalada qalalyq jáne óńirlik óndirýshilerden azyq-túlik ónimderin jetkizý jáne satý jolǵa qoıylǵan, birinshi kezekte qajetti ónim tapshylyǵy baıqalmaıdy», - dep habarlady spıker.
Áleýmettik nan qajettiligin qalanyń nan pisirý kásiporyndary – «Aqsaı nan» NTK» JSHS, «Bashırov» JK, «Rýzı Nan» JSHS, «Almatynan HBK» JSHS jáne «DarıNan» JSHS tolyq qamtamasyz etedi.
Sút ónimderiniń jalpy qalalyq qajettiliginiń 20,5%-yn «Agroprodýkt» kompanıalar toby men «Maslodel» JSHS jabady. Qalǵan 79,5%-yn Almaty oblysynyń óndirýshileri jetkizedi.
Qalanyń kúnbaǵys maıyna degen qajettiliginiń jartysyn jergilikti maı zaýyttary – «Evrazıan Fýds Korporeıshn» AQ, «Maslo-Del» JSHS jáne «EFKO Almaty» JSHS qamtamasyz etedi. Sondaı-aq, SHQO, sondaı-aq Reseı óndirýshileriniń ónimderi bar (5%).
Kókónister Almatyǵa Pavlodar, Almaty, Jambyl jáne Qaraǵandy oblystarynan jetkiziledi.
Qalany et ónimderimen jáne jumyrtqalarmen Almaty, Túrkistan, Jambyl oblystarynyń kásiporyndary qamtamasyz etedi.
Bakaleıa ónimderin (un, jarma, qant, tuz jáne t.b.) negizgi jetkizý Qostanaı, Almaty, Jambyl, Aqmola, Pavlodar, Qyzylorda jáne Shyǵys Qazaqstan oblystarynan júrgiziledi.