200-den astam tehnıka men 700 jumysshy jumyldyryldy.
Turǵyn úı saıasaty basqarmasynyń basshysy Danıar Qyryqbaev Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtabtyń otyrysy barysynda sanıtarlyq tazartý jónindegi komýnaldyq qyzmetter komendanttyq saǵattan basqa shtattyq rejımde jumys istep jatqanyn málimdedi, dep habarlaıdy Almaty-akshamy.kz
Danıar Qyryqbaevtyń aıtýynsha, 8 qańtardan bastap qoqys shyǵarýshy uıymdar aýla aýmaqtary men jeke turǵyn úılerden qatty turmystyq qaldyqtardy shyǵarý jumystaryn bastady. 200-den astam tehnıka men 700 jumysshy jumyldyryldy. Aǵymdaǵy kezeńde 10,5 myń tonna qatty turmystyq qaldyqtar shyǵaryldy.
«9 qańtardan bastap «Almaty Tazalyq» MKK men merdiger uıymdar megapolıstiń kóshe-jol jelisin tazartý boıynsha jappaı jumystar uıymdastyrdy, oǵan 500-ge jýyq arnaıy tehnıka men 1600 jol jumysshysy jumyldyryldy. Búginde 667 tonna qoqys shyǵaryldy», - dedi spıker.
Sondaı-aq, 9 qańtardan bastap qutqarý qyzmetiniń 93 jumysshysynyń kúshimen 45 birlik arnaıy tehnıkany qoldana otyryp, tártipsizdik barysynda zaqymdanǵan 100 birlik avtokólik, sondaı-aq iri kólemdi qoqys pen qıraǵan ekoposttar shyǵaryldy.
Danıar Qyryqbaev qazir qalalyq komýnaldyq qyzmetter komendanttyq saǵattan basqa shtattyq rejımde jumys istep jatqanyn atap ótti.