Qala turǵyndary sapaly sýmen qamtamasyz etiledi.
Qala ákimdigi halyq aldyndaǵy óz mindettemelerin oryndaýdy jáne ınjenerlik jelilerdi barynsha tozý deńgeıimen jańǵyrtýdy, sondaı-aq 100% ortalyqtandyrylǵan jáne sapaly sýmen qamtamasyz etýdi qalaıdy. Bul týraly qalalyq máslıhattyń XXV sesıasynyń otyrysynda qala ákiminiń orynbasary Muhıt Ázirbaev aıtty, dep habarlaıdy Almaty-akshamy.kz.
«Tozýdy tómendetý úshin jyl saıyn 13,2 mlrd. teńge somasyna shamamen 104 km sýmen jabdyqtaý jelilerin (dıametri 100-den 1500 mm-ge deıin), 15,5 mlrd. teńge somasyna 57 km sý burý jelilerin (dıametri 100-den 1500 mm-ge deıin), 15 mlrd. teńge somasyna 30 km jylý jelilerin, 120 km elektrmen jabdyqtaý jelilerin, 8,7 mlrd. teńge, 4 mlrd. teńge somasyna 40 km gaz jelileri rekonstrýksıalaý qajet», - dedi Muhıt Ázirbaev.
Onyń aıtýynsha, budan basqa, jańa jobalardy iske asyrý maqsatynda shamamen 541 mlrd. teńge talap etiledi.
«Onyń ishinde búdjettik 316,1 mlrd teńge jańa sý kózderin salý úshin, Aqyldy tehnologıalardy engizý úshin, káriz kolektorlaryn rekonstrýksıalaý jáne salý úshin, KSS jáne KTQ rekonstrýksıalaý úshin, jaryqtandyrý deńgeıin jaqsartý jáne "2030 jylǵa deıin elektr jelilerin damytý sqemalary" jobasyn iske asyrý úshin qajet bolady. Onyń aıasynda áýe jelilerin kabeldik jelilerge aýystyrý, jańa elektr jelilerin salý qarastyrylǵan», - dedi qala ákiminiń orynbasary.
Jalpy, 2030 jylǵa deıin shamamen 962,3 mlrd teńge somasynda ınvestısıalar qajet bolady, onyń ishinde búdjetten 625,6 mlrd teńge ınvestısıalar esebinen.