Joba boıynsha barlyǵy 67 kóshe qamtylǵan, olardyń deni asfálttalǵan. Buryn atalǵan shaǵyn aýdandaǵy úıler ortalyq sýmen jabdyqtaý jáne káriz jelilerine qosylmaǵan. 
Tómengi besjyldyqtyń turǵyndaryn sýmen jabdyqtaý jáne káriz jelilerine qosý boıynsha úsh jyldyq joba 2021 jyly bastaldy. Qazir jumys josparyna sáıkes 115,5 myń metr sý qubyrynyń 100 myń metrden astamy, al 32 myń metr káriz jelisiniń 28 myń metrge jýyǵy salyndy, dep habarlaıdy almaty-akshamy.kz.
Jumysshylar Spasskaıa, Hakasskaıa kósheleriniń jáne birqatar aleıaǵa asfált tóseýge daıyndyq júrgizip jatyr. Qubyrlar men qudyqtardy montajdaý Zemnýhov, Balqadısha, Shmıdt, Svobodnaıa, Hakasskaıa, Lermontov, Trenev jáne Kostromskaıa kóshelerinde júrgiziledi.
Joba tamyzdyń sońynda tolyq aıaqtalady dep josparlanǵan. Osylaısha, búkil shaǵyn aýdan ortalyq sýmen jáne káriz jelilerimen tolyq qamtylady.
Aıta ketý kerek, jobada abonentterdi sýmen jabdyqtaý jelilerine qosý kózdelgen, al káriz jelisine qosý abonentter esebinen júzege asyrylady.
Almaty ákimi Erbolat Dosaevtyń tapsyrmasymen bıyl barlyǵy 142 km salý jáne 48 km sýmen jabdyqtaý jelilerin jańǵyrtý kózdelgen.