Apatty aǵashtardy sanıtarlyq maqsatta kesý qala turǵyndarynyń qaýipsizdigin qamtamasyz etýdiń mańyzdy quramdas bóligi, bul Almaty qalasy ákimdiginiń erekshe baqylaýynda, dep habarlaıdy almaty-akshamy.kz.
Búginde osy baǵyt boıynsha jumystar qalanyń barlyq aýdanynda júrgizildi. Alataý aýdanynda 500, Áýezov aýdanynda 700, Almaly aýdanynda 900, Bostandyq aýdanynda 900, Medeý aýdanynda 100, Jetisý aýdanynda 300, Naýryzbaı aýdanynda 400 jáne Túrksib aýdanynda 1400 aǵash sanıtarlyq maqsatta kesildi. «Almaty Jazy» naýqany aıasynda 5 200 aǵash sanıtarlyq maqsatta kesildi.
Aǵashty sanıtarlyq maqsatta kesýdiń ýaqytyly júrgizilmeýi adamnyń densaýlyǵyna jáne múlikke zıan keltirýi múmkin. Osyǵan baılanysty aýrý jáne qýraǵan aǵashtardyń basyn sanıtarlyq jáne pishindep kesý jumystaryn kúsheıtý daýyl, qatty jel men nóser kezinde butaqtardyń qulaý múmkindigin azaıtady.
Almaty qalasynyń jasyl jelegin kútip-ustaý jáne qorǵaý erejesine sáıkes, aǵashtyń pishinine, olardyń jasyna qaraı ózgeretine, kesýge tózimdilik syndy ósimdikterdiń túrlik jáne bıologıalyq ereksheligin eskere otyryp, barlyq norma saqtalyp sanıtarlyq maqsatta kesiledi. Sanıtarlyq kesýden keıin aǵashtyń kesilgen jeri arnaıy jasalǵan quraldarmen óńdeledi.
Naýqan ótkizý barysynda qaýipti eńiste ósken aýrý jáne qýraǵan aǵashtardy kesý kózdelgen. Onyń ornyna 10 ese kóp mólsherde kóshet otyrǵyzylady.
Esterińizge sala keteıik, «Almaty Jazy» naýqany bıyl 6 shildede aıaqtalady. Bul is-shara Memleket basshysynyń tapsyrmasymen júzege asyrylatyn jáne eldi mekenderdiń aýmaǵyn abattandyrý men kógaldandyrýǵa, sondaı-aq halyq arasynda ekologıalyq mádenıetti qalyptastyrýǵa baǵyttalǵan «Taza Qazaqstan» respýblıkalyq aksıasy aıasynda ótip jatyr.