14 AEK mólsherinde shegerim qoldanylady.
Endi tabysy tómen qazaqstandyqtar jeke tabys salyǵynan bosatylady, dep habarlaıdy Almaty-akshamy.kz Ekonomıka mınıstrliginiń Telegram arnasyna silteme jasap.
Derekkózde qoldanystaǵy standarttarǵa sáıkes, jalaqy salyǵyn esepteý kezinde 14 AEK mólsherinde shegerim qoldanylady (2024 jyly 51 688 teńge) delingen. Bul - JTS ustalmaıtyn soma. Iaǵnı salyq jalaqynyń 14 AEK – zeınetaqy jarnalary, medısınalyq saqtandyrý jáne t.b. shegerilgennen keıin qalǵan bóliginen alynady da, bul soma 30 AEK (110 760 teńge) deıin ulǵaıtylady. Osylaısha jalaqynyń salyq salynbaıtyn bóligi ulǵaıady.
"Mundaı jaǵdaıda jalaqydan 10 paıyz mólsherde zeınetaqy jarnalary boıynsha shegerimderdiń bolýyn eskere otyryp, 123 myń teńgege deıingi jalaqy kezinde JTS tólenbeıdi ári tómen jalaqy tólenetin qyzmetkerler úshin júkteme azaıtylady", - delingen habarlamada.
Demek, kimniń aılyǵy az bolsa, salyq tóleýden bosatylady degen sóz.