Bul qylmysty jasaýda eki jas jigit kúdikti dep tanyldy.
Urlyq saýda oıyn-saýyq ortalyqtarynyń biriniń birinshi qabatynda oryn aldy, dep habarlaıdy Almaty-akshamy.kz.
«Aldyn ala boljam boıynsha, 21 jastaǵy J. esimdi azamat pen 19 jastaǵy N. esimdi azamat kólik turaǵynda elektrondy temeki satatyn oryndy kórgen. Kúdiktiler shkaftyń esigin qysyp ashyp, qorapty alyp, oqıǵa ornynan boı tasalaǵan, sol arqyly taýar ıesine 75 myń teńge kóleminde materıaldyq shyǵyn keltirgen. Jedel izdestirý is-sharalarynyń nátıjesinde kúdiktiler ustaldy. Beınebaqylaý júıeleri mańyzdy ról atqardy. Atalǵan derek boıynsha QR QK-niń 188-baby (Urlyq) boıynsha sotqa deıingi tergeý amaldary júrgizilip jatyr. Ustalǵandardyń qalada buryn jasalǵan osyǵan uqsas qylmystarǵa qatysy bar-joǵy anyqtalyp jatyr», – deıdi Jetisý aýdandyq polısıa basqarmasynyń bastyǵy Jánibek Shynasılov.
QR QPK-niń 201-babyna sáıkes, tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.