Olar jolǵa talasyp qalǵan.
Almatyda avtobýs júrgizýshisine shabýyl jasaǵan bir top jigit izdestirilip jatyr, dep habarlaıdy Almaty-akshamy.kz QazAqparatqa silteme jasap.
Oqıǵa kýágerleriniń aıtýynsha, №50 avtobýs júrgizýshisine jeńil kólikte otyrǵan bir top jigit pyshaqpen shabýyl jasaǵan.
Onyń vıdeosy áleýmettik jelide tarady.
Almaty qalalyq polısıa departamentiniń málimetinshe, 21 sáýir keshki saǵat 19:30 shamasynda 102 púltine Raıymbek dańǵyly men Tóretaı kóshesiniń qıylysynda avtobýs júrgizýshisi men «Jıgýlı» kóliginiń júrgizýshisi arasynda janjal týyndaǵany týraly habar túsken.
Olardyń jolǵa talasqany belgili boldy.
«Atalǵan derek sotqa deıingi tergeýdiń biryńǵaı tizilimine QR QK 293-baby (buzaqylyq) boıynsha tirkeldi. Jeńil kólik júrgizýshisiniń kim ekeni anyqtaldy. Ony ustaý sharalary júrgizilip jatyr», - dep habarlady vedomstvodan.