Prezıdenttik jastar kadrlyq rezervine irikteý qyrkúıek-jeltoqsan aılarynda ótedi. Memlekettik qyzmet isteri agenttiginiń tóraǵasy Darhan Jazyqbaev osylaı dep málimdedi, dep habarlaıdy Almaty-akshamy.kz BAQ.KZ-ke silteme jasap.
Bıylǵy irikteýdiń ereksheligi – irikteý memlekettik apparattyń salalyq kadrlarǵa qajettiligin eskere otyryp júrgiziledi. İriteý ınfraqurylymdy, ónerkásipti damytý jáne saýda saıasaty; agroónerkásiptik keshen jáne qorshaǵan ortany qorǵaý; syrtqy saıasat jáne ınvestısıalar; ekonomıkalyq jáne qarjylyq saıasat; sıfrlandyrý; áleýmettik saıasat jáne azamattyq qoǵam baǵyttary boıynsha júrgiziledi, -dep málimdedi spıker ortalyq komýnıkasıalar qyzmetinde ótken baspasóz máslıhatynda.
Úmitkerlermen áńgimelesý salalyq ortalyq organdardyń qatysýymen ótedi.
Úmitkerlerge qoıylatyn talaptar:
1) QR azamattyǵy bar
2) 35 jastan aspaǵan
3) Joǵary bilimi bar
4) 5 jyl jalpy jumys tájirıbesi bar azamattar
5) Qazaq tilin V1 deńgeıinen tómen emes meńgergen azamattar
Aıta ótken jón, buǵan deıin irikteý eki ret ótkizildi. Prezıdenttik jastar kadrlyq rezervine 2019 jyly 300 adam, 2021 jyly 50 adam qabyldandy. Qazir 350 azamattyń 75 % jumysqa ornalasty. Olar memlekettik organdar men kvazımemlekettik sektor uıymdarynda jumys isteıdi.