Almaty qalasynda balalardyń densaýlyǵy men áleýmettik qorǵalýyn jaqsartýǵa baǵyttalǵan erte aralasý baǵdarlamasyn júzege asyrý jumystary júrip jatyr. Bul týraly Aqshamnews.kz saıty habarlaıdy.
2024 jylǵy 4 jeltoqsandaǵy Almaty qalasy ákimdiginiń №4/675 qaýlysyna sáıkes qurylǵan «Erte aralasý áleýmettik qyzmetter ortalyǵy» (KMM) erte jastaǵy balalardyń damýyndaǵy buzýshylyqtardy anyqtaý jáne olarǵa keshendi kómek kórsetý maqsatynda jumys isteıdi. Bul sharalar balalar arasyndaǵy múgedektik deńgeıin tómendetýge jáne otbasylardyń ómir súrý sapasyn arttyrýǵa baǵyttalǵan.
Sonymen qatar qalada «Erte aralasý ortalyǵy» (SHJQ KGP) da qyzmet etedi, onyń negizgi mindeti – erte jastaǵy balalarǵa reabılıtasıalyq jáne dıagnostıkalyq kómek kórsetý.
Baǵdarlamanyń keıbir fýnksıalary eki mekeme arasynda qaıtalanyp otyrǵandyqtan, olardyń qyzmetin tıimdi úılestirý úshin ońtaılandyrý jumystary bastaldy. Osy maqsatta «Erte aralasý áleýmettik qyzmetter ortalyǵy» KMM-ne «Erte aralasý ortalyǵy» SHJQ KGP-ni qosý arqyly reorganızasıa júrgizý týraly sheshim qabyldandy.
Qaıta uıymdastyrylǵan jańa ortalyq erte aralasý júıesiniń negizgi elementine aınalyp, balalardyń densaýlyǵy men áleýmettik qorǵalýyn nyǵaıtýǵa yqpal etedi. Bul qadam qyzmet kórsetýdiń sapasyn arttyrýǵa, resýrstardy tıimdi paıdalanýǵa jáne balalarǵa kórsetiletin kómektiń keshendiligin qamtamasyz etýge baǵyttalǵan.
Qazirgi ýaqytta ortalyqtardy biriktirý rásimi resmı túrde bastaldy.