Sheteldik jumysshylardyń elimizde zańsyz júrgeni «Kelimsek» respýblıkalyq jedel aldyn alý is-sharasy barysynda anyqtalǵan.
Ózbekstannan kelgen 20 azamat Almatydaǵy qurylys alańynda zańsyz jumys istegen, dep habarlaıdy Almaty-akshamy.kz Polisia.kz saıtyna silteme jasap.
Almaty qalasynda tıisti qoǵamdyq tártipti saqtaý, sheteldikterdiń Qazaqstan Respýblıkasynda bolý erejelerin buzý faktilerin anyqtaý maqsatynda ótkizilgen «Kelimsek» respýblıkalyq jedel aldyn alý is-sharasy barysynda kórshi memleketten zańsyz kelgender anyqtaldy.
«Almatynyń Bostandyq aýdanynda ornalasqan "Arhat" shaǵynaýdanyndaǵy turǵyn úı kesheniniń aýmaǵynda Ózbekstannan kelgen qurylys brıgadasy jumys istegen. Olar, jumys berýshileri sıaqty, elimizdiń qoldanystaǵy kóshi-qon zańnamasyn buzyp, sol úshin ákimshilik jaýapkershilikke tartyldy jáne PD-niń qabyldap-taratý ortalyǵyna ornalastyryldy. Keıin sot sheshimimen sheteldikter Qazaqstannan shyǵarylady», – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.
Sonymen qatar, baıandamashy is-sharanyń úsh kúninde anyqtalǵan quqyqbuzýshylyqtardyń statısıkasyn aıtyp ótti.
«Kóshi-qon zańnamasyn buzǵany úshin barlyǵy 921 kóshi-qon zańnamasyn buzýshy ákimshilik jaýapkershilikke tartyldy, olardyń 686-sy - QR bolý erejelerin buzǵan shetel azamattary. Sot sheshimimen 25 sheteldik Qazaqstan Respýblıkasynan shyǵaryldy. Sondaı-aq, sheteldikterdiń QR-da bolýynyń zańdylyǵyn qamtamasyz etý sharalaryn qoldanbaǵany úshin 211 qabyldaýshy tarap jaýapkershilikke tartyldy. Qazaqstan Respýblıkasyna sheteldik jumys kúshin tartý erejelerin buzǵany úshin 24 jumys berýshi de jaýapqa tartyldy», – dep habarlady Asqat Býtýnchınov.