Qylmystyq-atqarý salasynda sottalǵandardy basqa mekemelerge jetkizý QR Ulttyq ulan bólimshelerimen birge júzege asyrylady
Osyǵan baılanysty jýyrda Almaty qalasy boıynsha QAJ departamentinde Ulttyq ulan “Ońtústik” óńirlik qolbasshylyǵynyń, Almaty oblysy boıynsha QAJD, № 7552 áskerı bóliminiń jáne LA-155/18 mekemesiniń basshylyǵy qatysqan keńes ótkizildi. Sonymen qatar atalǵan keńeske Almaty oblysyna qarasty LA-155/8, LA-155/12, LA-155/14, LA-155/4 mekemeleriniń ókilderi de shaqyryldy, dep habarlaıdy Almaty-akshamy.kz Polisia.kz-ke silteme jasap.
Keńeste sottalǵandardy bir mekemeden ekinshi mekemege jetkizýdegi negizgi máseleler qaralyp, ózara paıdaly sheshim qabyldandy. LA-155/18 mekemesi – respýblıkanyń eń úlken tergeý ızolátorlarynyń biri, budan basqa sottalǵandar jazasyn odan ári óteý úshin jiberiletin tranzıttik-ótkizý pýnkti bolyp esepteledi.
Kún saıyn Almaty–Oral, Almaty–Túrkistan, Almaty–Qaraǵandy, Almaty–Semeı, Almaty–Zashıta baǵyttary boıynsha poıyzdar jolǵa shyǵady. Osy jyldyń 11 aıynda LA-155/18 tergeý ızolátoryna 6300-den astam adam keldi, olardyń 2000-ǵa jýyǵy respýblıkanyń basqa óńirlerine tranzıtpen jóneltildi.