Premer-Mınıstrdiń orynbasary Serik Jumanǵarın salalyq mınıstrlikter, QTJ ókilderi jáne QR Parlamenti Májilisiniń depýtaty Bolatbek Najmetdınulynyń qatysýymen jóninde avtomobıl arqyly júk tasymaldaý máseleleri jóninde keńes ótkizdi.
Kólik mınıstrliginiń derekterine saı 2023 jyly eksporttyq-ımporttyq júk tasymaldaý kólemi 7,6 mln tonnany (2,8 mln tonna – eksport/4,8 mln tonna – ımport) qurady. Bul rette qazaqstandyq tasymaldaýshylardyń úlesi 50,2%-dy, ózbekstandyq tasymaldaýshylardyń úlesi 10,6%-dy, túrkıalyq tasymaldaýshylardyń úlesń 5,5%-dy, reseılik tasymaldaýshylardyń úlesi 3%-dy, tájikstandyq tasymaldaýshylardyń úlesi 2,5%-dy qurady.
Tasymaldanatyn júkterdiń 1,6 mln tonnasy Eýropa elderine tıesili. Sondaı-aq olardyń jartysyn qazaqstandyq tasymaldaýshylar jetkizedi (50%). Polshadaǵy barlyq halyqaralyq tasymaldaý beketteriniń jabylýy jáne Reseı men Belarýs shekarasynda bir ǵana ótkizý beketiniń bolýy memleketaralyq saýda-sattyq baǵyttaryna keri áserin tıgizedi.
Qoldanystaǵy halyqaralyq baǵyttarǵa balama retinde depýtat B. Najmetdınuly Túrikmenstan arqyly ótip, Túrkıa men Parsy shyǵanaǵy elderine aparatyn baǵytty qarastyrýdy usyndy. Ol úshin Túrkimenstanmen aradaǵy vızalyq rásimderdi jeńildetýde memlekettiń kómegi qajet. Sondaı-aq EO elderine taýarlardy jetkizýdiń balamasy retinde Latvıa arqyly ótetin baǵytty pysyqtaý usynyldy.
Keńes qorytyndysy boıynsha Serik Jumanǵarın qatysýshylarǵa balamaly halyqaralyq avtokólik baǵyttarynyń barlyq nusqasyn pysyqtaýdy jáne bıznestiń usynystaryn eskere otyryp, olardy damytý boıynsha jol kartasyn ázirleýdi tapsyrdy.