Qorǵanysqa qatystynyń bári qupıa júrgiziledi
Elimizde kúshtik qurylymdar qyzmetkerleriniń jalaqysyn kóterý josparlanyp otyr. Bul týraly Qarjy vıse-mınıstri Dáýren Temirbekov aıtty, dep habarlaıdy Almaty-akshamy.kz QazAqparatqa silteme jasap.
«Qorǵanysqa qatystynyń bári qupıa júrgiziledi. Jalpy sózben aıtar bolsaq, kúshtik qurylymdardyń jalaqysyn kóterý jaıynda bolyp otyr. Oǵan Qorǵanys mınıstrligi, Ulttyq qaýipsizdik komıteti, Memlekettik kúzet qyzmeti jáne basqa da memlekettik organdar kiredi», - dedi Dáýren Temirbekov Senatta 2023 jylǵa arnalǵan respýblıkalyq búdjetti naqtylaý týraly zań jobasyn talqylaýdan keıin BAQ ókilderiniń saýalyna oraı.
Biraq, vıse-mınıstr naqty sıfr aıta almaıtyndyǵyn jetkizdi.
«Men aqparat bere almaımyn. Óıtkeni, bul qupıa aqparat sanalady. Sebebi, qorǵanys shyǵystaryna qatysty búdjettiń ashyq jáne jabyq bóligi bar. Bul tek Qazaqstanda ǵana emes, jalpy tájirıbe sanalady. Barlyq ýaqytta da osylaı bolyp keldi jáne bola da beredi. Kúshtik qurylymdar barlyq ýaqytta jarıa bolmaıdy. Málimetter búdjettiń ashyq bóliginde de joq», - dedi ol.