Ony boıap tastaǵan edi.
Almatyda buryn boıalǵan «Ojıdanıe» mýraly qalpyna keltirildi, - dep habarlaıdy Almaty-akshamy.kz
«Seıfýllın dańǵyly, 565 mekenjaıyndaǵy úıdiń qasbetin jóndeý jumystary aıasynda merdiger kompanıa – «Orıon» JSHS 21-28 qazan aralyǵynda úıdiń qasbetinde «Ojıdanıe» mýralyn qalpyna keltirý jumystaryn júrgizdi. Jumysty mýral avtorlarynyń qadaǵalaýymen merdiger kompanıa óz qarajaty esebinen júrgizdi», - dedi Almaty ákiminiń baspasóz qyzmeti.
«Ojıdanıe» mýraly 2019 jyly MURAL FEST IV Halyqaralyq monýmentaldy óner festıvali aıasynda jasalǵan. Týyndynyń avtorlary – sýretshiler Sáýle Súleımenova men Qýanysh Bazarǵalıev.
Eske salaıyq, buǵan deıin Almaty ortalyǵyndaǵy tanymal mýraldardyń biri óshirilgeni belgili bolǵan edi.